أحمد مكي عن أزمته الصحية: حياتي تغيرت بعدها.. و«قعدت شهر ونص بتعالج غلط»

آخر تحديث: الخميس 6 ديسمبر 2018 - 11:30 م بتوقيت القاهرة

محمد عبد الجليل

كشف الفنان أحمد مكي، عما خاضه خلال الأزمة المرضية التي تعرض لها، إثر إصابته بفيروس لا علاج له، نتيجة تبادل زجاجات المياه في مكان ما بالخارج، قائلًا إنه ظل نحو شهر ونصف يخضع لعلاج خاطئ.

وأضاف خلال لقائه مع برنامج «معكم منى الشاذلي»، المذاع عبر فضائية «سي بي سي»، مساء الخميس: «قعدت شهر ونص بتعالج غلط منه، شكيت إنه مرض خبيث، لأني مكنتش عارف أبلع مايه، ولما روحت لدكتور تاني مكنش عارفني من كتر ما شكلي متغير».

وعقب: «الدرس اللي اتعلمته إنك لازم تقدر النعمة وتحمد ربنا عليها، أنا لما جالي فيروس عندي أكل ومش عارف أكله، وعندي ابن ومش قادر أحضنه، وفي لحظة كل ما تملكه أصبح ممنوع عليك».

وعقب: «مكنتش عارف آكل أو أشرب، لأن لو بلعت ريقي كنت عايز أخبط راسي في الحيط، وأنا عادة بستحمل الألم، فلما أشعر بالألم ده يبقى حاجة مش عادية»، موضحًا أنه في أول شهرين من العلاج كان ينام لحوالي 18 ساعة في اليوم، وظل لفترة يحصل على الغذاء عبر المحاليل.

وأوضح أن حياته تغيرت بالكامل بعد هذه الأزمة الصحية، فقد أقلع تمامًا عن التدخين، معقبًا: «الضربة دي خلتني أفكر من تاني، في الحاجات اللي بيني وبين ربنا، لأن الدنيا اختبار صعب».