شعبة لعب الأطفال: نستورد أجزاء من الدبدوب بقطع الغيار.. وسيد علي يرد: «هو صاروخ باليستي؟»

آخر تحديث: الثلاثاء 12 فبراير 2019 - 9:49 م بتوقيت القاهرة

محمد عبد الجليل

كشف بركات صفا، رئيس شعبة لعب الأطفال والأدوات المكتبية بالغرفة التجارية، عن سبب ارتفاع أسعار الألعاب والهدايا خلال الفترة الأخيرة، قائلًا إن هذا الأمر يرجع إلى تعويم الجنيه وارتفاع الجمارك وزيادة أسعار مستلزمات الإنتاج.

وأضاف خلال مداخلة هاتفية لبرنامج «حضرة المواطن»، المذاع عبر فضائية «الحدث اليوم»، مساء اليوم الثلاثاء: «لو بنصنع مصري، فمستلزمات الإنتاج مستوردة، ولو بنستورد المنتج، فبندفع له جمارك كاملة».

وردًا على سؤال الإعلامي سيد علي «يعني الدبدوب ده مستوردين فيه إيه؟»، أوضح أن هناك أجزاء منه تستورد من الخارج 100%، متابعًا: «وفيه خامة بتستورد من برة، مع قطع الغيار والإكسسوارات بتاعته، وبيتم تصنيعه وتجميعه هنا».

وعلق سيد علي بقوله: «أنت بتكلمني عن صاروخ باليستي؟ بتقول قطع غيار ومستلزمات إنتاج، مش ملاحظ إن المسألة فيها مبالغة شوية؟ ده دبدوب وأمي الله يرحهما كانت بتعمل العرايس دي في البيت من الهدوم»، ليعقب رئيس شعبة لعب الأطفال قائلًا: «والدة حضرتك كانت بتعمل عروسة واحدة، لكن ده مصنع».

 

هذا المحتوى مطبوع من موقع الشروق

Copyright © 2024 ShoroukNews. All rights reserved