السيسى يطالب البنوك بتجميع «الفكة» لصالح مشاريع تطوير العشوائيات

طالب الرئيس عبدالفتاح السيسى من البنوك، الحصول على المبالغ المالية «الفكة» التى يتم تداولها فى المعاملات البنكية لصالح مشروعات تطوير العشوائيات.
وأضاف «ما ينفعش ناخد الفكة زى الخمسين قرش والجنيه وتتحط فى حساب حاجة زى كده، يعنى بصرف شيك بمبلغ 5. 1255 جنيه أو 80 قرشا وأية حاجة ما قدرش أخد الفكة دى تحقق رقم كبير جدا نضعه فى مشاريع زى كده ويبقى كل الناس تساهم والناس فى مصر عاوزه تساهم بس أجده فين يعنى هاوصل اللى عاوز اقدمه إزاى مش قادر ومش عارف».
وتابع الرئيس: «تحيا مصر ماشى، الجمعيات الخيرية ماشى بس فى آلية أقوى أنت بتتكلم فى معاملات لعشرين تلاتين مليون إنسان» مشيرا إلى أنه لو كل واحد ترك الفكة الخاصة بمعاملاته البنكية وكانت جنيه نكون «بتتكلم فى 10 إلى 12 مليون جنيه، ممكن يبقوا رقم مع عدد المعاملات.. لو سمحتم أنا عاوز الفلوس دى، إزاى اخدها أنا معرفش علشان نحطها فى المشاريع دى».