علق الإعلامي عمرو أديب، على العثور على مقبرة أثرية بمحيط منطقة الهرم، بعد تنقيب مواطن عن الآثار بطريقة غير شرعية أسفل منزله، قائلًا: «المصريين بطلوا شغل وبتدور على الآثار والمساخيط».
وأضاف في برنامجه «الحكاية»، المذاع عبر فضائية «mbc مصر»، مساء الأحد، أن الكثير من المصريين تركوا العمل وتفرغوا للحفر والتنقيب عن الآثار والدهب، معقبًا: «أحفر في أي مكان في مصر هتلاقي آثار وطبعًا هتعرف ليه كان فيه مقاومة في إخلاء بعض البيوت لأن البيت فيه كنز، والبيت اللي حصل فيه كده لازق في الهرم».
وتسائل: «هما عرفوا أزاي أن في تحت البيت آثار الراجل حفر بالظبط في المكان»، لافتًا إلى تصريحات وزارة الأثار بأن 75 % من الآثار المصرية مازالت تحت الأرض.
وتابع: «الناس مش عايزة تشتغل، لأن حته من دول تعيشهم ملوك واكلينها والعة، وفي ناس تانية بتشقى من الساعة 6 الصبح عشان تجب قرش حلال لأسرتهم».
وكشفت الإدارة العامة لشرطة السياحة والآثار، اليوم الأحد، حفائر للتنقيب عن الآثار أسفل منزل بطريقة غير مشروعة قادتها إلى الكشف عن مقبرة أثرية بالقرب من منطقة أهرامات الجيزة.