تفتكر لو أنت في خطر، اتخطفت مثلا أو اتثبت وأنت ماشي، هتلحق تبعت مسدج – رسالة قصيرة بالفصحى – لحد تقوله فيها انك في خطر وتقوله على المكان اللي انت فيه؟
لأ ماتحلمش..
وانت لسة بتفكّر تعمل كدة هيكون الموبايل اتاخد منك أصلا.. وساعتها، تطبيق "يالهوي" Yalahwy ممكن ينقذك.
معاك موبايل بنظام تشغيل أندرويد؟
أول خطوة هتعملها إنك توصّل الأبليكشن بحسابك على فيس بوك. Sign in
خد بالك من 4 حاجات قبل ما نبدأ..
- لازم تكون مشغّل النت والـGPS في الموبايل، عشان الناس تقدر تحدد مكانك.
- الأبليكشن فيه لغتين "إنجليزي وفرانكو"، اختار اللغة اللي انت عايزها من فوق على اليمين.
- اتأكد ان البوست اللي هيتشير على صفحتك من الأبليكشن يكون ظاهر لأصدقائك...مش Only Me.
- اعمل نسخة للأبليكشن على الصفحة الرئيسية للموبايل عشان تفتحه على طول في وقت الخطر.
عندنا كذا سيناريو:
أول سيناريو..
انت في مكان ما، مأمّن نفسك وفاتح النت والجي بي إس، وفجأة اتعرضت لخطر!
افتح الأبليكشن هتلاقي علامة الإنذار دي "Yalahwy"..
مكتوب تحتها
بالإنجليزي: If you feel unsafe press Yalahwy!
وبالفرانكو: law 7ases be 7'atar doos yalahwy!
دوس يالهوي..
هيظهرلك العلامة دي..
مكتوب تحتها
بالإنجليزي: Your friends have been notified.
وبالفرانكو: 2olna le as7abak enak me7tag mosa3da.
ده معناه إن الأبليكشن بلّغ أصدقائك على فيس بوك إنك محتاج مساعدة..
أصدقائك هيشوفوا اللينك، هيفتحوه، هيلاقوا خريطة متحدد فيها مكانك اللي انت فيه وقت الخطر.
في ميزة تانية الأبليكشن بيقدمها، وهي انك لما تبقى في أمان، تطمّن أصحابك..
أول ما الخطر يروح، هتفتح الأبليكشن، هتلاقي مكتوب:
بالإنجليزي: I am safe
وبالفرانكو: ba2eet kwayes, el7
أصحابك وقتها لما يفتحوا اللينك، هيظهرلهم بدل الخريطة: Specified trip is not in panic.
يعني بالعربي، صاحبكم في أمان!
السيناريو التاني والتالت مع بعض..
هتلاقي تحت خالص مكتوب:
هتقدر من خلالها تكتب:
انت رايح فين؟ وقدامك قد إيه وتوصل؟ وإيه الرسالة اللي عايزها تظهر للناس لو اتعرضت لخطر؟
احتمال يحصل لك حاجة خطر من اتنين:
- مش هتوصل بعد الوقت اللي انت حددته لمشوارك، وساعتها هتتكرر تلقائيا كل الخطوات السابقة في السيناريو الأول.
- في نصف المشوار هتتعرض للخطر، هتدوس يالهوي، وبرده هتتكرر تلقائيا كل الخطوات السابقة في السيناريو الأول.
أو هيحصل حاجة حلوة...هتوصل في المعاد، فتدوس على "wasalt, shokran" / "I arrived".
