ألقى المفكر السياسي الدكتور عبد المنعم سعيد، كلمة أشار خلالها إلى أن مصر تواجه الآن واحدة من أكبر معاركها ضد الإرهاب.
وقال «عبد المنعم»، إن "قوى الشر تحاول التشكيك في كل ما تقوم به الدولة وتشتيت الرأي العام"، لافتًا إلى أن "الإخوان خاضوا حملة ضد قناة السويس وروجوا الأكاذيب بشأن قضية تيران وصنافير".
وأضاف: "لا بد من تبني استراتيجية لتسويق مصر، من خلال تبني عملية طويلة المدى تستعيد فيها الدولة صورتها الإيجابية المستمدة من تاريخها القديم ونضالها الحديث، من أجل الانتقال من التخلف إلى التقدم وكفاحها المعاصر ضد الإرهاب".
وأشار إلى أن "إدارة تسويق مصر تقوم على مفاهيم أن مصر أصل الحضارة الإنسانية وهي مجمع للحضارات الفرعونية والهيلينية والرومانية والعربية الإسلامية والحديثة أيضًا، وهي التي تجمع بين الديانات الثلاث اليهودية والمسيحية والإسلامية وهي الآن حائط الصد الأساسي ضد الإرهاب".
وعقب انتهاء كلمة «سعيد»، قال الرئيس عبد الفتاح السيسي: "أنا بشكر الدكتور عبد المنعم سعيد وبفتكر محاضرته الشيقة في 23 يوليو كويس، بشكرك والنهاردة كمان أنت أضفت كتير أوي بكلامك دة عشان الناس في مصر تسمع وتعرف أن اللي دار مش بس على قد شوية الإرهاب اللي بيتم والي إحنا بنواجهه، لا ده خطة محكمة كبيرة أوي إحنا بنقول عليها أهل الشر عشان مسمى يعفينا من حاجات كتير لكن هي خطة كبيرة جدا كان الهدف منها تدمير الدولة".
وأضاف: "أنا عاوز أقول للدكتور عبد المنعم والمصريين اللي بيسمعوني إحنا حاولنا خلال 3 سنوات الماضية أو أكثر في إطار هدف استراتيجي هو تثبيت الدولة واستدعينا الإعلاميين وقلنا لهم إن أنتم في معركة معانا من أجل مصر".
وأشار الرئيس إلى أن "التحديات الموجودة جوة الدولة ضخمة جدا وتداعيات حالة الثورة الموجودة منذ 6 سنوات أو أكتر كانت كبيرة جدا والمؤسسات تأثرت بشدة بهذه الحالة والنتاج يمكن ميرضيش أو مش على قد المجابهة والتحدي اللي إحنا بنقابله في بلدنا الناس عندها أمال كبيرة وليهم حق فذلك ولهم حق في أنهم يشعروا أن اللي بيتطلعوا إليه يتحقق، ولكن في نفس الوقت هذا بالنسبة للدولة بظروفها يعد تحدي كبير، وقولنا أن هذا محتاج مننا أننا نقف يد واحدة لأننا أحنا كلنا في هذه المعركة مع بعض من أجل بلدنا والناس المصريين".
كما تحدث الرئيس عن كيفية تشويه والتشكيك وفقد الثقة، وبالمناسبة أنا عايز أقول للمصريين أن حالة التشكيك مبدأتش قريب ولكنها من فترة كبيرة في ناس عايشة معانا تقلل من أي جهد أنا بقول على مدى أربعين خمسين عاما وبيقدموا نفسهم على أنهم أصحاب الحقيقة والحق والمصلحة وده مش حقيقي لأن التحديات اللي جوة مصر أكبر من أي حد، وأنا قولت الكلام ده قبل كده أثناء الحملة، قولت إن التحدي اللي جوة مصر أكبر من الرئيس وأكبر من الحكومة ولكن مش أكبر من الشعب المصري التحدي اللي موجود جوه مصر أكبر من الرئيس لوحده وأكبر من الحكومة لوحدها وأكبر من المؤسسات الدولة لوحدها ولكن مش أكبر من إرادة الشعب المصري كله مع بعض".
وأردف: "عشان كده أتكلم دائما وأقول خلي بالكم يا مصريين وكلمة مصريين تعني كل من يعمل فالإعلام والثقافة وأي مؤسسات الدولة المزارع اللي موجود في أرضه إحنا في حرب حقيقية للحفاظ على هذه الدولة حتى لا تكون مثل الدول الأخرى".
وقال السيسي: "أنا عاوز أقولكم حاجة دلوقتي ودة تجربتي اللي أنا بشوفها أو اللي طلعت بيها أنا بقولكم إن وعي المصريين أنا راهنت عليه وكان هو حقيقة كان حائط الصد الحقيقي أما كل هذا الجهد حتى لو إحنا كدولة أو مؤسسات معرفناش نؤدي دورنا في الوعي، لا المصريين النهاردة قادرين على الفرز ودة السبب الى حتى الآن وبإجراءات اقتصادية في منتهى القسوى والصعوبة تحملوها الناس مش علشان خاطر حد تحملوها بوعيهم إن هذا هو المسار اللي إحنا معندناش خيار غيره وإلا البلد يبقى فيها مشكلة كبيرة، وأنا بشكرك يادكتور عبد المنعم على اللي أنت قولته والأخير اللي أنت قولته هنعمله وهتشوف".