بالفيديو.. أحمد أمين يروي معاناته مع «الصنايعية»: «النقاش حسسني إنه دافنشي» - بوابة الشروق
الخميس 25 أبريل 2024 8:19 ص القاهرة القاهرة 24°
أعداد جريدة الشروق
أحدث الأخبار

الأكثر قراءة

قد يعجبك أيضا

شارك برأيك

هل تؤيد دعوات مقاطعة بعض المطاعم التي ثبت دعمها لجنود الاحتلال؟
النتـائـج تصويت

بالفيديو.. أحمد أمين يروي معاناته مع «الصنايعية»: «النقاش حسسني إنه دافنشي»

أماني أبو النجا
نشر في: السبت 10 ديسمبر 2016 - 12:20 ص | آخر تحديث: السبت 10 ديسمبر 2016 - 12:20 ص
بطريقته الكوميدية المعهودة، روى الإعلامي الساخر أحمد أمين، معاناته مع الصنايعي، والذي وصفه بأنه "يحب يعمل فاهم في كل حاجة".

وقال "أمين" خلال برنامجه "البلاتوه"، المذاع على قناة "النهار"، الجمعة: "جبت سباك عشان مراتي قالتلي السقف بينقط، لقيته عاملي زي دكتور المسالك البولية، وبيشرب بايب وشاي تليو وجايب المساعد بتاعه ينشفله عرقه وهو بيفحص المواسير، وفي الآخر قفش العربون وسابلي كل حاجة مكسرة ومشي".

وتابع: "مراتي اتحمست وقالتي بالمرة خلينا نصلح كهربا البيت، ودا بقى قعد وأكل شارب نايم لمدة أسبوع، وكهربلنا حياتنا كلها، وقعد يقول مصطلحات غامضة عشان يتوهنا، وهو مشي من هنا وآجي أولع النور الراديو يشتغل وأدوس على الريموت المدام ترقص، وأشغل الخلاط العيال تتكهرب وهم على سرايرهم".

ومعاناته لم تتوقف عند هذا الحد، حيث روى حكايته مع "النقاش"، قائلا: "دا بقى مش سهل، يحسسك إنه (دافنشي) أو (فان جوخ)، قاعد يعاين كتير ويخبط على الحيطان وشغلانة، وبعد ما اليوم خلص طلب نسكافيه وقال بصوت هادي، سيبني يومين تلاتة عشان أفكر، وكأنه محتاج فتوى شرعية في دهان الحيطة!".

 


خدمة الشروق للرسائل القصيرة SMS.. اشترك الآن لتصلك أهم الأخبار لحظة بلحظة

قد يعجبك أيضا

شارك بتعليقك