رصدت هيئة الرقابة الادارية المكالمات التى صدرت من هاتف محيي قدح، مدير مكتب وزير الزراعة، في قضية فساد وزارة الزراعة، فأفادت أنه بتاريخ 24 و25 مايو الماضى وردت محادثتان بين قدح ومحمد فودة، يستفسر فيها الأول عن صحة الثانى قائلا له "والنبى بس خليك فى الموضوع اللى قلت لك عليه" فأجاب قدح بالايجاب، والمحادثة الثانية كانت بشأن اتفاقهمها على المقابلة ليلا وقول فوده له" والنبى متنساش اللى عندك ماشى".
وأضافت تحريات الرقابة الادارية أنه بتاريخ 27 مايو الماضى وردت مكالمة بين قدح وأحد الأشخاص تضمنت إخبار الأول للثانى قائلا" كان فى حاجة تبع شركة اسمها كايرو ثرى أيه، الناس دول مخلصين اجراءاتهم وبيقولوا أن هما عايزين يخلصوا الأوراق الباقية، أيه المشكلة بتاعت الناس دى؟" فأجاب الثانى بعدم وجود مشكلة وأن الموضوع طرف المشروعات المدنية وأنه جارى الحصول على "الكلكة" الخاصة بهم، فرد قدح " حقول لك حاجة يا باشا الوزير موصي إن احنا عايزين 20 مليار جنيه يدخلوا للهيئة، عبارة عن تحصيل من الناس وتقنين وتغيير نشاط والكلام ده، ليه حد زى كده منستغلوش ونخلص الاجراءات ليهم بسرعة ونأخذ الفلوس بما يتوافق مع القانون".
وأضاف قدح بنفس المكالمة" الوزير كان مدّى توجيهات أن كل الحالات اللى زى كده تمشى وفقا للاجراءات، هما فى مشاكل عندهم ولا اجراءاتهم سليمة؟" فأجابه الثانى بسلامة إجراءاتهم، فطلب منه قدح انهاء الاجراءات غدا على ان يتم عرض الموقف على الوزير بمعرفتهما.