قالت الفنانة جيهان فاضل، إنها تدين بحياتها لأحد الأشخاص تلقى رصاصة بدلا منها خلال أحداث ثورة 25 يناير 2011، مؤكدة أن ما حدث من هذا الشخص مثل لحظة فارقة في حياتها.
وأضافت في صفحتها بموقع التواصل الاجتماعي «فيسبوك»: «النهاردة عيد ميلادي.. النهاردة أنا موجودة وسط أولادي علشان في يوم ما، في لحظة فارقة، فلان الفلاني اللي معرفش أسمه قرر أن حياتي أهم من حياته، فزقني وخد رصاصة بدالي».
وأشارت إلى أن الثورة المصرية صنعت أبطالا مجهولين في حياة كل شخص قرر النزول إلى ميدان التحرير، موضحة: «ناس كتير كانوا بيضايقوا مننا لما بنقول ثورتنا و اللي منزلش الميدان مش حيفهم.. مش إحساس بالأهمية ولا أدعاء بطولة.. هو علشان كل واحد مننا بيدين بحياته لفلان الفلاني.. علشان إحنا بنصحي كل يوم مش عارفين بعد ربنا نشكر مين».
وأكملت" : «أشكر الله إنه كان فيه فلان الفلاني اللي ضحى بحياته علشان حلم بعيش وحرية و عدالة.. المجد لفلان الفلاني.. المجد للمجهولين».
النهاردة عيد ميلادي...النهاردة أنا موجودة وسط أولادي علشان في يوم ما، في لحظة فارقة، فلان الفلاني اللي معرفش أسمه قرر أن...
Posted by Gihan Fadel on Friday, March 11, 2016