قالت سماح علي، صاحبة فيديو اتهام أحد أطباء معهد أورام دمنهور بالإهمال الطبي، إنها مريضة سرطان، وتعالج في المعهد، متابعة: «بنروح لدكتور الآلام يكتب لنا العلاج بتاعنا».
وأضافت خلال مداخلة هاتفية لبرنامج «آخر النهار»، المذاع عبر فضائية «النهار»، مساء الأربعاء: «قعدنا نستنا الدكتور من بدري مجاش غير متأخر حوالي الساعة 11، لقيناه قاعد يتكلم في التليفون ساعة، استنيناه وفي الآخر واحد مريض، من شدة الألم اللي هو فيه لطم على وشه وقال أنا تعبت».
وتابعت: «بعدين إحنا كلنا زهقنا، فالدكتور فتح الباب وطلع وقال (جاتكم القرف) ومشي، وطلع عند مدير معهد الأورام، وقعد عنده، فطلعنا للمدير عشان الدكتور ينزل ويكتب لنا العلاج عشان مش مستحملين التعب».
واستطردت: «لما طلعلنا للمدير قال لنا إحنا بنطبطب عليه عشان يرضى ينزل لكم، ونزل بعد ساعة من فوق، وخلص العلاج بتاعنا، كانت الساعة دخلت على 2، والصيدلية اللي بتدي العلاج كانت قفلت».