أنتج المجلس القومي للسكان أغنية جديدة عن الزيادة السكانية، وتأثيرها على كل مناحي الحياة في مصر، من غناء الفنان الشعبي شعبان عبد الرحيم، وتأليف إسلام خليل، وإخراج ايهاب عبد اللطيف.
وأهدى المجلس نسخة من الأغنية للتلفزيون المصري، بحسب مقررة المجلس الدكتورة هالة يوسف.
وتقول كلمات الأغنية: "اللي بيحب مصر ينزل يشتغل، دلوقت مصر عايزة الجهد والعمل، عايز من مصر حقك، إديلها حقها، دى مصر خيرها علينا خدوا بالكم منها.. لازمنا جهد وعمل على كل شكل ولون، دلوقت سكان مصر 95 مليون، قاعدين نزيد ونزيد ومابيزدش الإنتاج، طب قول لي منين هانكفي أكل وتعليم وعلاج، الرغيف لو كفى اتنين ما يكفيش خمسة أكيد، عشان مواردنا قليلة والناس عمالة بتزيد".
"عايز ابنك يبقى في صحة ومفرع زى النخل، طبعا لو عدد الأسرة على قد البيت والدخل، هاتجوز بنتك قاصر، تتعب وهاتدعي عليك، عايزينك أب معاصر دي بنتك نور عينيك، علم بنتك واحميها، من الجهل ومن التعتيم، هاتربي ولادها كويس وهايطلع نشء سليم.. مش كل شويه هانعمل ثورة ويبقي لها حصاد، لو كله يراعي ضميره، ماحناش هانلاقي فساد، بس خلاص".
ومن المقرر، أن يطلق المجلس الأغنية خلال المؤتمر القومي للسكان، الذى يعقد في 24 مارس، بمناسبة مرور 20 عاما على المؤتمر الدولي للسكان والتنمية الذى احتضنته القاهرة في 1994.