علق الإعلامي عمرو أديب، على إمكانية تعاقد نادي ليفربول الإنجليزي مع لاعب إسرائيلي يلعب في النمسا، مستنكرًا أن يتم الضغط على محمد صلاح نتيجة هذا الأمر، في حال إتمام التعاقد مع اللاعب.
وأضاف «أديب»، خلال تقديمه برنامج «الحكاية»، المذاع عبر فضائية «إم بي سي مصر»، مساء الاثنين: «صلاح عامل نجاح ضخم، يسيب ليفربول ويمشي بسبب الموضوع ده؟ هو عفوًا يعني هو ده الدوري المصري؟ دي إنجلترا يا جماعة، إحنا مش هنطبق قوانينا على العالم، الرومانسية اللي أنتوا عايشين فيها دي كتيرة».
وأوضح: «محمد صلاح راجل محترف، يعني لو راح نادي تاني وجاله مدرب إسرائيلي، هيعمل إيه؟ وبصراحة بقى معملتوش حاجة للقدس هتعملوا لصلاح! كل المعارك خسرناها وهنيجي على المعركة دي ونكسبها؟ هي دي معركة تحرير القدس».
وذكر أنه لا يجوز على الإطلاق أن يتم التعامل مع محمد صلاح بهذا الشكل من الضغوط، مستطردًا: «هل صلاح هو اللي اتفق معاه، وصلاح ماله، والناس اللي مجنونين بميسي، أنتوا عارفين علاقته بإسرائيل؟».
واستطرد: «أنا ضد التطبيع وضد إسرائيل لكن ضد الوهم فبشويش على الراجل وإن شاء الله ياخد الدوري ونفرح بيه»، موضحًا أن حالة التشجيع لليفربول في المجتمع فاقت تشجيع اللاعبين العالميين الآخرين مثل ميسي ورونالدو.