بينما يتحدث الخبراء من المتخصصين في شئون الجماعات الإسلامية وكذلك النخبة السياسية لوضع تكهنات للوضع في تظاهرات 28 نوفمبر القادمة، يظهر الإعلاميين ومقدمي البرامج الحوارية بشكل مختلف في حديثهم عن «انتفاضة الشباب المسلم» منهم من تحدث بشكل ساخر وآخر استخدم لغة الجسد بشكل ارتجالي للتعبير عن موقفه ومنهم من قدم الشهادة.

الشروق رصدت ردود الأفعال للإعلاميين التي يبدو عليها كأنها طرائف وسخرية على خلفية حديثهم عن يوم 28 نوفمبر الذي أصبح حديث الساعة في مصر.

«سبورة» «عكاشة» في 25 يناير تعود بـ«حذائه» في 28 نوفمبر

أسلوب جديد اقتبسه مقدم برنامج «مصر اليوم» بفضائية «الفراعين»، توفيق عكاشة، من أحد الإعلاميين، حال ظهوره عبر الشاشة يشرح مجريات الأحداث في مصر عبر «سبورة» كما فعل بعد ثورة الخامس والعشرون من يناير، لكن عادت السبورة أمام المشاهدين مرة أخرى مع دعوة تظاهرات 28 نوفمبر.

وبشكل مفاجئ بجوار سبورة الشرح قال عكاشة: "الإخوان متعودين من زمان على مظاهراتهم اللي ما بتكملش 10 انفار وأنا بطالب الشرطة والجيش في حالة لو اي حد قرب من منشأة حكومية يفتحوا النار عليه لا حقوق الانسان ولا حقوق الحيوان بالجزمة القديمة اللي على الكنبة دي «في إشارة جسدية منه ومن خلال وضع قدمه على المقعد المتواجد بالأستوديو»، متسائلا: "هتلي مظاهرات أمريكا ونشوف قوات الأمن بتتعامل ازاي؟".

شريف مدكور: خدوا تصاريح وحطوا المصحف على الترابيزة

الإعلامي شريف مدكور، مقدم برامج المنوعات والأخبار الخفيفة بفضائية «المحور»، الذي يثير حوله جدلا كبيرا حول طريقة استعراضه للمواضيع المختلفة، تحدث هذه المرة عن مظاهرات 28 نوفمبر واقتحم صندوق السياسة قائلا: "بالنسبة ليوم 28 المفروض أي متظاهر يحصل على تصريح قبل المشاركة في التظاهرات بس عندي مشكلة ان المظاهرة تاخد الطابع الديني كمان مسك المصحف الشريف في اليد دي فكرة خطيرة ولا أنصح بها لاننا بنبقى خايفن عليه خايفين عليه وبنحطه على الطرابيزة عشان فيه كلام ربنا أو في أي حتة غالية علينا عشان فيه كلام ربنا".

محمود سعد مشغول بفسحة الوزير ورصاص الداخلية

استخدم الإعلامي محمود سعد، مقدم برنامج «آخر النهار» بفضائية «النهار» أسلوبا ساخرا أثناء تساؤلاته التي طرحها على اللواء عبد الفتاح عثمان المتحدث باسم وزارة الداخلية حول يوم 28 نوفمبر، قائلا: "إحنا مش قلقانين شكلكوا انتوا اللي قلقانين بصراحة يا سيادة اللواء وأكبر دليل على كدة تصريحات اللواء محمد إبراهيم وزير الداخلية اللي بيقول هانضرب بالنار والناس تخرج تتفسح .. منين كدة ومنين كدة ولا بد ان يكون هناك معلومات لديكم احنا مانعرفهاش عن هذا اليوم تقول ان الناس ماتنزلش للمظاهرات يوم الجمعة لو في قلق".

عمرو أديب: «اللى نازلين أغبية وأنا هقول الشهادة قبل 28 نوفمبر»

أداء اعتاد الجميع عليه من عمرو أديب، مقدم برنامج «القاهرة اليوم» عبر شبكة «أو إس إن» الفضائية ما بين السخرية والتهكم في تناول الأمور السياسية، ومن بينها تظاهرات 28 نوفمبر حيث قال "ايه اللي هايحصل يوم 28 نوفمبر ولا هايحصل حاجة هانحميها برقابتنا مصر".

واستطرد في حديثه "اللي نازلين مش بيهرجوا ولا شوية عيال دول من اعنف الناس ومن اغبى الناس وماحدش هايعرف هايجمعوا فين واحنا عملنا منهم شبح وشبورة زي الحكايات اللي اتقالت عليهم انهم ماسكين مسدس تحت المصحف ولو الأمر استلزم من المصريين الحرب انا أقدم الشهادة على الهواء وبقول «اشهد أن لا اله الا الله وأن محمد رسول الله» والأرزاق على الله وتحيا مصر وكفاية بقا احنا مش مش شغالين مع جهاز أمني مستني ايه اللي هايحصل يوم الجمعة".

نصيحة يوسف الحسيني: «عشان خاطر أمك ماتنزلش»

يوسف الحسيني، مقدم برنامج «السادة المحترمون» بفضائية «أون تي في» قال "يوم الجمعة مش هايجرى حاجة ودول شوية عيال تفهة وكلمتي للعيال نصيحة لوجه الله تعالى عشان خاطر امك ماتنزلش وانت هاتنزل هاتستفز الأمن ومجرد ظهور سلاح معاك هاتضرب بالنار حتى لو كان لعبة وده القانون عشان تبقا فاهم والاسلاميين مابيطقوش سيرتي، وأضاف بشكل ساخر "واللي عاوز يقرب هايجرب".

عيسى .. «الجيش مش هايدوس على المصاحف»

بدا إبراهيم عيسى، مقدم برنامج «25/30» بفضائية «أون تي في» بأداء يشوبه الانفعال حول تداعيات يوم 28 نفومبر وما يسمى بـ«انتفاضة الشباب المسلم» التي دعت لها الجبهة السلفية قائلا: "مش هانقاش شخصيات مجنونة وتيار مريض نفسيا وهما عاملين زي الست اللي لبسها عفريت وهما فعلا ملبوسين بأفكار غريبة"، موجها حديثه للمشاهدين: " اللي هايصدف ان الجيش او الشرطة هيدوس على المصاحف أو هيحرقها يغور في ستين دهية ما يصدق".