قال الفنان عمرو يوسف، إن الفنان لا يمكنه الراحة حتى مهما حقق من نجاحات، ولا يمكنه اختيار الأدوار بسهولة، مضيفًا: «كنت فاكر لما أكون زي أحمد السقا وكريم عبد العزيز هرتاح، لكن أنا اكتشفت إنهم هم نفسهم مش مرتاحين».
وأضاف «يوسف»، خلال لقائه ببرنامج «يحدث في مصر»، المذاع عبر فضائية «MBC مصر»، مساء الخميس، أن تحقيق النجاحات ليس أمرًا هينًا أو يحدث بسهولة، بل يحتاج إلى مجهود كبير، متابعًا: «مفيش حد نجح النهاردة مطلعش عينه وهو صغير، بس الشكوى مش حلوة، أحنا تعبنا كثير وأنا تعبت كتير جدًا علشان ربنا يكرمني وأوصل للمكان ده».
وأشار إلى أهمية تذكر الفنان للماضي دائمًا حتى يتعلم منه ويتخرج منه العبرة، وحتى يتسنى له مواصة النجاح، مضيفًا: «في أوقات كتير في مواقف لازم تفكر نفسك بيها طول الوقت ومتستناش حد يفكرك بيها، لأن لو حد فكرك بها تبقى كارثة».