بعد تداول بعد المواقع الإلكترونية خبر تصوير فيلم إباحي جديد عند الأهرامات، هاجم الإعلامي جابر القرموطي، وزارة الآثار قائلًا: «نفسي أفهم انتوا في دماغكم إيه، أنت ياعم ياوزير الآثار عايزينك تحمي الآثار»، حسبما قال.
وأضاف «القرموطي» خلال برنامجه «مانشيت» المذاع عبر فضائية «أون تي في»، الخميس، «لو فضلنا بالشكل ده هيفتحوا مصنع كراسي خلف أبو الهول، نفسي أفهم وزير الآثار ووزير الثقافة بيعملوا إيه لما مش عارفين يحموا الأهرامات»، على حد وصفه.
ووجه حديثه لشرطة الآثار، قائلًا: «انتوا بتعملوا إيه، لما للمرة الثالثة يتصور فيلم إباحي عند الأهرامات، لو مش عارف تقوم بدورك امشي»، وتابع حديثه متهكما: «هي الأهرامات بقت زي الفياجرا لممثلين الأفلام الإباحية».