قال محمد نبوي، المتحدث باسم حركة تمرد، إن حمدين صباحي، المرشح الرئاسي السابق، رفض توقيع استمارة تأسيس الحركة، متابعًا: «لما بدأنا الفكرة حمدين صباحي رفض يوقع، وقال لما تبقوا تتحبسوا هبقى أناضل وراكوا، وأنا ممشيش ورا شغل عيال».
ووصف «نبوي»، في لقاء ببرنامج «كل يوم في رمضان»، المذاع على فضائية «Ten»، مساء الأربعاء، الدكتور محمد البرادعي نائب رئيس الجمهورية السابق، بـ«السياسي الفاشل»، قائلًا: «البرادعي مع أول مطب ساب البلد تغرق وهرب، مع إن كان ليه دور مهم إنه يصلح وجهة النظر عند المجتمع الدولي».
وتابع: «البرادعي باع المصريين كلهم وقعد يناضل على تويتر، وأنا عندي قناعة إن اللي عايز يبقى مناضل في البلد دي يقف على أرضها ويبقى راجل، لو هيواجه عقوبة يواجه، عشان بعد 20 سنة يقول تاريخه».