صلاح الجهيني: السينما لم تفسد المجتمع كما يشاع

آخر تحديث: الخميس 1 أكتوبر 2020 - 3:13 م بتوقيت القاهرة

مصطفى الجداوي

قال المؤلف صلاح الجهيني، إنه خلال الشهرين الماضيين رأى أشياء لم تتحدث السينما عنها، مشيرًا إلى أنه لا أحد كان يستوعب أو يتخيل حجم الفجاجة في الأحداث الأخيرة.

 

وأضاف الجهيني، عبر حسابه الشخصي بموقع فيسبوك، "زي الدكتور اللي بيقعد على حجر زبائنه وبيديهم حقن، وحادثة الفيرمونت بكل بجاحة وشناعة الفعل اللي ميطلعش غير من مرضى نفسيين، والمغتصب المتسلسل بتاع الكمبوند، ومؤخرًا الشاب اللي اتحرش بالأطفال في عز الضهر واللي أتمنى أنه ياخد إعدام".

 

وتابع: "اتعودنا نسمع كلام كتير من نوعية أن السينما بتفسد الشباب والمجتمع وبتفتح عنين الناس على حاجات من خارج طباعنا وأن في أعمال وممثلين خلقوا قدوة سيئة للشباب المصري الطيب الكيوت".

 

واستطرد: "فين السينما والدراما من كل العفن والمرض النفسي اللي موجودين في المجتمع؟ وهل الشخصيات دي كانت محتاجة تشوف عشان تقلد ولا جه الوقت أننا نواجه نفسنا بالحقيقة أن في أزمة في المجتمع أكبر بكتير من اللي بيتعرض على الشاشات".