فيديو.. إيهاب توفيق: فوجئت بمعجب يفتح باب غرفة نومي وقلت له أنت مين

آخر تحديث: الإثنين 3 مايو 2021 - 11:14 م بتوقيت القاهرة

روى المطرب إيهاب توفيق، موقفًا طريفًا تعرض له، قائلا: «كنت في مرة مستني صديقي حمدي صديق الملحن عشان نسمع ألحان ونقعد قعدة شغل، وعادة حمدي بيجي يطلع وهو من أصحابي المقربين ويطلع يستناني في أي حته في البيت وبلغت أفراد الأمن تحت البيت أن الاستاذ حمدي الملحن جاي».

وأضاف خلال لقاء لبرنامج «شيخ الحارة والجريئة» الذي تقدمه المخرجة ايناس الدغيدي عبر قناة «القاهرة والناس»، مساء الاثنين، «دخلت للاستحمام وطالع ألبس هدومي لقيت حد بيفتح باب الأوضة وداخل، وقلت له أنت مين يا ابنى ولما سألت الأمن مين ده افتكروه حمدي صديق».

وتابع: «طلع واحد جاي بالصدفة يعرض أغاني وعايز يوصلهم لي وراح الأمن مطلعينه وفجأة الراجل لقى نفسه فى الأوضة بتاعتي ووضحت له الموقف وانصرف».