الفنان علي صبحي: ممتن للوقت اللي عيشته في عين شمس والمطرية

آخر تحديث: الأحد 4 يونيو 2023 - 5:11 م بتوقيت القاهرة

حرص الفنان علي صبحي، على توضيح كلامه الذي قاله في لقاءه مع الإعلامي محمود سعد، خلال برنامج sold out.

وكتب منشورا عبر حسابه بموقع "فيسبوك"، تحت عنوان "توضيح بسيط": أنا بحب منطقتي جداً "عين شمس والمطرية"، وممتن للوقت اللي عيشته فيها بغض النظر عن الصعوبات و"العنف".

وتابع: "أصلاً المسرح اللي كنت بهرب ليه ده كان في المنطقة مش بعيد يعني، ولسه أصحابي وأهلي عايشين فيها".

وقال: "عين شمس ومناطق كتير زيها فيها أطفال كتير موهوبين، قليل جداً اللي بيعرف يلاقي طريقه، والباقي بيتوه مع الزحمة والدوشة والحياة، أنا كنت محظوظ جداً إني اتعرفت على المسرح في سن صغير، وكمان كنت محظوظ إني قابلت واشتغلت مع ناس جميلة تساعدني وتدعمني ولولاهم مكنتش هتحرك خطوة واحدة".

وفي حلقة sold out تحدث علي صبحي، عن فترة عمله كمهرج بالشوارع وقال: "أنا ساعات بعمل مهرج شارع، بشتغل مجاناً للأطفال والمناطق الفقيرة اللي ماعندهمش أي access للترفيه، أنا اتولدت واتربيت في منطقة عنيفة شوية، هي عين شمس، ومدرستي كانت في المطرية، فطول عمري ما بحبش العنـف ولا بحب اتخانق، فكنت بانضـرب طول الوقت، فكان بالنسبة لي اللي خلاني اتعرف على المسرح دة، كان العلاج بتاعي هو المكان اللي بهرب بيه من العنف والشارع".