انفجار بيروت.. نادين نسيب نجيم تروي لحظات مواجهة الموت وعملية جراحية 6 ساعات

آخر تحديث: الأربعاء 5 أغسطس 2020 - 10:02 ص بتوقيت القاهرة

نشرت الفنانة اللبنانية نادين نسيب نجيم التي أصيبت أمس في انفجار بيروت، فيديو من منزلها المتضرّر والذي تحول كل شيء فيه لحطام.
وكتبت نجيم رسالة سردت فيه لحظات الرعب الّتي عاشتها قائلك:
"بشكر ربي أولاً رجع خلقني وأعطاني عمر جديد. الانفجار كان قريب والمنظر مش متل الحكي فعلاً يلي بيفوت عالبيت وبيشوف الدم وين ما كان وكل شي مكسر ما بيقول انه بعدنا عايشين، الحمدالله الف مرة عطاني القوة انزل ٢٢ طابق حافية مغطسة بالدم تأقدر خلص حالي".
وأضافت "الناس كلها مدممة، جرحى، قتلى، سيارات مكسرة، ناس عم تصرخ وتبكي، وقفت سيارة قلتله دخيلك ساعدني، كان ابن حلال وصلني على اول مشفى رفضوا يستقبلوني لأنه كانت مكدسة بالجرحى، رجع اخدني على مشفى المشرق اسعفوني وخضعت لعملية 6 ساعات لأنه نص وجهي وجسمي مدمم".
وأضافت "اللي شفته عالارض صعب كتير ينوصف فعلاً وكأنه قنبلة نووية. شكراً يا رب انك حميتني، وحمدلله اولادي بخير وسلامة ما كانوا بالبيت. بشكر الله كل لحظة ويا رب ترحم الموتى وتشفي الجرحى".
وسيق وأعلنت الاعلامية اللبنانية ريما نجيم عبر صفحتها على "تويتر" أن "نادين نسيب نجيم تأذت من الانفجار الذي هزّ بيروت وخضعت لعملية جراحية طويلة استمرت لـ 6 ساعات".
وكتبت في تغريدتها: "لكل اللي عم يسألوني عن نادين نسيب نجيم وبدّن يطمّنوا عنّا بعتذر كون عم بنقل خبر بيشغل البال بس نادين تأذّت بالانفجار خضعت لعملية جراحية طويلة استمرّت ٦ ساعات وهي حالياً أفضل و الاولاد بأمان الحمدلله ان شاء الله قريباً بتحكي معكن هيّ بس طلبت طمّنكن عليها".
وطلبت ريما من محبي نادين الصلاة لها من أجل تعافيها وعودتها سالمة الى حياتها الطبيعية وعائلتها.