بعد خروجه من العناية المركزة.. حسام داغر يطمئن جمهوره: دعواتكم عجلت شفائي

آخر تحديث: الثلاثاء 6 يونيو 2023 - 6:38 م بتوقيت القاهرة

حرص الفنان حسام داغر، عقب خروجه من العناية المركزة على طمأنة جمهوره على حالته الصحية.

وكتب داغر، عبر صفحته الرسمية على موقع التواصل الاجتماعي "فيسبوك": "الحمد لله رب العالمين قدر ربنا ولطف بي في الأزمة الصحية اللي مريت بيها اليومين اللي فاتو، ولولا فضل ربنا وتدخل فريق الأطباء الحمد لله وخرجت من العناية من وضع الحرج اللي كنت فيه".

وأضاف: "بشكر فريق الأطباء في مستشفى الشيخ زايد تحت إشراف دكتور أحمد سمير نائب مدير المستشفى، وبشكر دكتور أشرف زكي لمتابعته الوضع إلى أن استقرت حالتي الحمد لله، وبشكر أخويا وصاحبي حمزة العيلي، لأنه هو اللي لحقني وأصر ونقلني المستشفى من البيت وأنا تعبان هو وأحمد أخويا، ووقفته جمبي في المستشفى".

وأكمل: "حابب أشكر واطمن كل الناس اللي كلموني واطمنوا علي، والناس اللي جت لي المستشفى أو البيت، أنا الحمد لله تحت الرعاية الطبية في البيت، وبحاول أرد على كل اللي بعتلي أو اطمن علي واحد واحد لأن كلمة شكرًا قليلة حقيقي على اللي حسيت بيه من حب واهتمام كبير مالي قلوبكم ودعوات الناس الكتير لي بالشفا هي اللي سرعت علاجي وعجلت بشفائي، الحمد لله علي كل شيء".