النائب أيمن محسب: زيادة الدعم بأكثر من 30% لبعض الفئات عند التحول للدعم النقدي

آخر تحديث: السبت 6 يونيو 2026 - 9:53 م بتوقيت القاهرة

منى حامد

قال النائب أيمن محسب، وكيل لجنة الشئون الاقتصادية بمجلس النواب، إن الدعم العيني مُتاح لجميع المواطنين، سواء عبر الدعم الحكومي للسلع كالبنزين، أو من خلال السوق السوداء.

وأضاف خلال مداخلة هاتفية على برنامج «كلمة أخيرة»، المذاع عبر قناة «on e»، مساء السبت: «الدعم العيني أي حد بياخده اللي معاه واللي معهوش والغني والفقير بيعدي ياخد السلع ويشتريها».

ولفت إلى أن التحول للدعم النقدي لا يشمل رغيف الخبز، مؤكدًا: «العيش بالتحديد خارج هذه المنظومة تمامًا.. رغيف العيش برا لا مساس به».

وتطرق إلى ملف تقسيم المُجتمع لشرائح وفق لاحتياجهم، قائلًا: «أقل شريحة هي اللي هتاخد اللي بياخدوه دلوقت إنما في شرائح تانية هتزيد».

وأشار إلى أن هذه الشرائح وقيم الدعم المُخصصة لها لم تُحدد بعد ولا تزال قيد الدراسة وفق توجيهات الدكتور مصطفى مدبولي رئيس مجلس الوزراء، معلقًا: «إحنا بنتكلم على تحول لا يقبل القسمة على اثنين».

وأكمل: «السيد رئيس الوزراء بوضوح جدًا قال لك لازم قبل ما نصدر هذا القرار ونحمل الموازنة العامة بأرقام واضحة ونحمل الموازنة العامة بأرقام واضحة لازم الأول نحدد عدد الشرائح والتقسيمة لثلاثة تبقى واضحة ونراجع الأرقام من جديد».

وأوضح استهداف الحكومة ومجلس النواب، لشعور المواطنين بالتحسن وبحصولهم على المزيد من الدعم، مضيفًا: «إحنا الناس مش هتقل إحنا مفيش شريحة هتقل».

ونوّه إلى أن الشريحة الأفضل اقتصاديًا ستتلقى دعمًا نقديًا أقل من القيمة الحالية، قائلًا: «أضعف شريحة هتاخد اللي هي تعتبر الشريحة الأفضل واللي احتياجتها مش كبيرة هتاخد أقل مما تحصل عليه الآن ولكن في شكل نقدي».

وأكد أن الحاصلين على تكافل وكرامة هم الأكثر استحقاقًا بهذا الملف، مضيفًا: «هو مش تمييز بقدر ما هو مساعدة أكثر من الدولة وإن شبكة الحماية بتؤتي ثمارها».

وأكمل: «إحنا عاملين شبكة حماية ليه علشان الأكثر احتياجًا ياخد أكبر حاجة ممكنة ومفيهاش عدالة أبدًا إن واحد دخلة 2000 وواحد دخلة 3000 جنيه وواحد دخله 7000 جنيه أقول كلهم تحت الحد الأدنى للأجور وأديهم كلهم زي بعض دا كلام مفيهوش عدالة على الإطلاق».

ونفى تحديد الشرائح الثلاثة المعنية بمنظومة الدعم النقدي، مضيفًا: «أعلى شريحة هتاخد على الأقل ما كانت بتحصل عليه فيما سبق، أما الشريحتين التانين فتأكد إن هما هيزدوا بنسب تتجاوز الـ30% من اللي كانوا بياخدوه».