طالب الإعلامي عمرو أديب، أي شخص يمتلك بدائل اقتصادية للوضع الحالي لمصر، بترشيح نفسه في الانتخابات الرئاسية المقبلة في عام 2018.
وقال «أديب»، في برنامج «كل يوم»، المذاع على فضائية «On E»، مساء الأحد: «أنا شخصيا كعمرو في الانتخابات الجاية هشوف إنجازات الرئيس، لو كويسه هنتخبه، لو مش كويسه هنتخب واحد تاني، جهزوا حد دلوقتي يقف في الانتخابات قدام السيسي، ويقدم بدائل اقتصادية، ويكسب ويبقى شمعة منورة».
وأوضح أن الوضع الطبيعي في الدول الديمقراطية يتطلب وجود مرشح منافس للرئيس في حالة امتلاكه لبرنامج اقتصادي بديل لعلاج الأزمات الاقتصادية، مضيفًا: «الناس عندها مرشح بتشوف أدائه كويس ولا لأ، لو مش كويس بيشوفوا أي مرشح تاني ويرشحوه أمام الرئيس في الانتخابات، أنا كمواطن عايز بديل».
وتابع: «الانتخابات في 2018 ومسمعناش حد لا بيروح ولا ييجي، حد يرشح نفسه قدام السيسي، ويجيب ورقة ويقول هخلي الدولار بـ7 جنيهات، والفرخة بـ5 أوراك، ويقول اللي بيعمله السيسي وحكومته غلط، وإن كل المشروعات القومية دي هقفلها وهدي لكل واحد في إيده 10 آلاف جنيه كل شهر».