«ذبحة صدرية ودعامات».. إبراهيم حسن يكشف معاناة شقيقه حسام مع منتخب مصر

آخر تحديث: السبت 7 نوفمبر 2026 - 9:26 ص بتوقيت القاهرة

محمد ثابت

كشف إبراهيم حسن، مدير منتخب مصر الأول لكرة القدم، تفاصيل المعاناة الصحية التي مر بها شقيقه حسام حسن، المدير الفني للفراعنة، خلال الأشهر الماضية، مؤكدًا تعرضه لذبحة صدرية وخضوعه لعملية تركيب دعامات في القلب، فضلًا عن خضوعه لجراحة أخرى وصفها بالصعبة والمعقدة.

وطالب إبراهيم حسن، في رسالة مطولة، بوقف الهجوم والانتقادات التي يتعرض لها شقيقه، مشددًا على أن الثنائي بذل الكثير من الجهد من أجل خدمة الكرة المصرية وإسعاد الجماهير خلال الفترة الماضية.

وتأتي تصريحات مدير المنتخب في ظل تردد أنباء عن احتمالية رحيل التوأم حسام وإبراهيم حسن عن قيادة منتخب مصر، على خلفية بعض الأزمات الأخيرة، من بينها الجدل المثار حول علاقة المدير الفني بمحمد صلاح، قائد الفراعنة.

وكتب إبراهيم حسن عبر صفحته الشخصية على موقع التواصل الاجتماعي «فيسبوك»: «ليه الغِل من زمايل لينا كنا بناكل في طبق واحد، وكنا حاملين شعار واحد وهو علم مصر؟».

وأضاف: «ليه الغِل من معظم الإعلاميين، والحرب والهجوم غير المبرر في كل صغيرة وكبيرة، والتقليل من أي نجاح بنعمله؟ ليه بنكبر الصغير على الكبير، وبننسى الأصول اللي الشعب المصري متربي عليها؟».

وتابع: «نصيحة ورسالة للزملاء اللي نفسهم يبقوا في مكاننا: نجاحنا أنا وحسام هو اللي هيديك الفرصة بعد كده تبقى موجود مكاننا، علشان اللي بياخد القرار يبقى مطمن من تجربتنا ويديك فرصتك وما يخافش، وننسى الأجنبي، لكن لو أنا فشلت مش هتجيلك».

وأشار إلى الظروف الصحية الصعبة التي مر بها شقيقه، قائلًا: «افتكروا حسام حسن المخلص والمحب لبلده، اللي بينتحر علشان يفرح بلده. من منا بلا أخطاء ولا ابتلاء في حياته؟ ورغم كل ظروفه الخاصة، عند شغله واسم بلده، بيفصل وبيرمي كل حاجة ورا ضهره».

وواصل: «ليه بنتحارب بالشكل ده عند كل موقف؟ ليه قبل كل معسكر بيتعلن علينا الحرب الشرسة دي؟».

وكشف مدير منتخب مصر عن تفاصيل الحالة الصحية لشقيقه، موضحًا: «معلومة ما كنتش عايز أقولها: هل تعلم إن حسام أُصيب أكتر من مرة أثناء المعسكرات والمباريات والتصفيات؟ مرة بذَبحة واتلحق بالصدمات في آخر لحظة، وبعدها بفترة صغيرة عمل دعامات، وبعدها بشهر دخل غرفة العمليات تاني، وقالوا ساعة علشان يضحكوا عليه».

واستطرد إبراهيم حسن في روايته: «وفضلت مستنيه يطلع من غرفة العمليات، وقعدوا يقولوا لي أي حاجة علشان ما اتخضش، والحمد لله طلع. وبرضه ما كنتش عارف إيه سبب المدة دي كلها، وبعدها بأيام روحت المستشفى أعمل تحاليل عادية، قابلت الدكتور بالصدفة اللي عمل العملية، قالي كنت مخبي عليك إن سبب التأخير إن حسام بنسبة كبيرة ما كانش هيطلع من غرفة العمليات عايش؛ لأنها كانت في شرايين القلب وكانت معقدة جدًا».

وتطرق إبراهيم حسن إلى إصرار شقيقه على مواصلة مهمته مع المنتخب رغم ظروفه الصحية، مستشهدًا بمباراة البرازيل، قائلًا: «من المواقف مباراة البرازيل بعد العملية، مكنش قادر يمشي ولا يقف، وكان الوضع صعب علشان الكاميرات واللاعيبة ميحسوش بحاجة ويأثر عليهم معنويًا، قولتله يقعد وأصر يقف على الخط».

واختتم مدير منتخب مصر رسالته بمناشدة الجماهير والإعلاميين دعم المنتخب، قائلًا: «اتقوا الله في مصر. ليه عايزين تكسروا فرحة الناس الطيبة والأطفال اللي رجعوا يحفظوا تيشيرت وشعار منتخبهم وألوان وعلم مصر؟».

وأضاف: «اسألوا المصريين المغتربين عن أطفالهم اللي كانوا قربوا ينسوا ألوان وشكل علم بلدهم».

وأتم: «افتكروا لمة الشعب وفرحتهم أثناء وبعد كل مباراة، افتكروا احترام العالم كله لمنتخب مصر».