عمرو أديب عن فصل 1070 معلما: الإخوان بيهتموا إنهم يعلبوا في دماغ العيال من صغرهم

آخر تحديث: الثلاثاء 8 أكتوبر 2019 - 9:30 ص بتوقيت القاهرة

محمد عبد الجليل

علق الإعلامي عمرو أديب، على قرار وزارة التربية والتعليم، بفصل 1070 معلما قالت الوزارة إنهم منتمين للجماعات المحظورة، قائلًا: "النهارده الوزارة أعلنت إنهم لقوا 1070 مدرس إخوانجي".

وأضاف خلال تقديمه برنامج "الحكاية"، المذاع عبر فضائية "إم بي سي مصر"، مساء اليوم الاثنين: "طبعًا هو رقم مش كبير، لأنك عندك مليون ونصف مدرس، بس كانوا متسابين ليه؟ ده فيه منهم عليه أحكام، إحنا ناقصين؟".

وتابع: "الإخوان بيهتموا أوي إنه يخش يلعب في دماغ العيال من صغرهم، ويستهدف الأطفال من ابتدائي وإعدادي، عشان يجهزهم للفكر الإخواني، أنا مش بتكلم عن الفكر التكفيري لكن عن كراهية الدولة والحكومة".

وعقب: "هو عايز يطلعك ناقم وزعلان ومضايق، متحبش فكرة الدولة، لكن تحب فكرة الجماعة، 1070 ليهم اتجاهات إخوانية، وده بيذكرني إنه يا جماعة الجهاز الإداري لازم يكون صاحي أسرع شوية".