عمرو أديب: السادات بطل لكن إحنا أساتذة في رمي التراب

آخر تحديث: السبت 8 أكتوبر 2022 - 12:33 ص بتوقيت القاهرة

أحمد علاء

انتقد الإعلامي عمرو أديب، ما قال إنها محاولات تقليل من بطولات الجيش المصري في حرب أكتوبر المجيدة.

وقال خلال برنامجه "الحكاية" عبر شاشة "mbc مصر"، مساء الجمعة: "احترموا الشهداء واحترموا الناس اللي استحملت.. واحترموا تاريخكم".

وأضاف: "السادات بطل لكن إحنا أساتذة في رمي التراب.. اللي بيقلل من الحرب ده بيستفيد إيه".

وتابع: "قناة السويس هي اللي معيشة المصريين لغاية النهاردا.. إحنا انتصرنا في الحرب.. فيه مجموعة زرعت السوسة علشان الناس ميبقاش لها حاجة حلوة".

وأكمل: "لو مكنش العبور نجح كان هيبقى الوضع إيه.. كان هيقولوا علينا إيه النهاردا.. إحنا عبرنا ونجحنا وفتحنا قناة السويس ورجعنا الأرض غير منقوصة".

واستطرد: "أصعب تفاوض تعمله في الدنيا بيكون مع الإسرائيليين.. لو عاوز 4 حاجات بيحط 10 حاجات.. يرهقك في 6 حاجات وياخد الـ4 حاجات اللي هو عاوزهم".