عمرو أديب: يجب أن نتحرك لوقف مزاد بيع رأس توت عنخ آمون.. ومصر فيها رجالة تهز العالم

علق الإعلامي عمرو أديب، على تحركات وزارة الآثار لوقف بيع تمثال للملك توت عنخ آمون، في إحدى صالات المزادات بلندن، قائلًا: «توت عنخ آمون بالذات لأ، أصل مفيش منه غير واحد». 

وأضاف خلال تقديمه برنامج «الحكاية»، المذاع عبر فضائية «إم بي سي مصر»، مساء الاثنين: «يجب أن نفهم كيف خرجت رأس توت عنخ آمون، وأقل واجب نوقف المزاد لغاية أما نشوف إيه الحكاية».

وتابع: «لأن المزاد ده لو حصل، وحد خد الرأس دي، ولا هنشوفها تاني، لأن اللي بيشتروا دول ولا تعرف عنهم حاجة، لأنهم بيشتروا على الموبايل». 

ولفت إلى حديث وزير الآثار الأسبق زاهي حواس عن هذا الموضوع عبر محطة أمريكية بقوله: «وده اللي حرك الدنيا، لأنه اتكلم إن رأس توت عنخ آمون مسروقة عشان كده بقول لكم مصر قوية فيها رجالة تهز العالم». 

وتحركت مع وزارة الآثار بالتعاون مع وزارة الخارجية، لوقف بيع رأس تمثال للملك توت عنخ آمون في صالة مزادات كريستيز بلندن يوم 4 يوليو.