أمهات مصر: سهولة امتحانات اللغة الأجنبية الثانية.. واستياء أولياء الأمور من تسريبها

آخر تحديث: الثلاثاء 15 يناير 2019 - 12:33 م بتوقيت القاهرة

كتبت-منى زيدان:

قالت عبير أحمد مؤسس اتحاد أمهات مصر للنهوض بالتعليم، إن أغلب أولياء الأمور أكدوا سهولة امتحانات اللغة الأجنبية الثانية خاصة الفرنساوي والإيطالي، بينما واجهتهم صعوبات في بعض أسئلة إمتحان مادة اللغة الألمانية.

وأكدت أحمد، في تصريحات لها، عن وجود غضب واستياء بين أولياء الأمور من تسريب جميع مواد امتحانات اللغة الأجنبية الثانية علي مواقع التواصل الاجتماعي ليلة الإمتحان، مؤكدين أن مجهود أبنائهم المجتهدين يضيع بسبب تسريب هذه الامتحانات التي لم تفرق بين الفاشل وبين المجتهد.

وطالبت أحمد، وزارة التربية والتعليم بفتح تحقيق عاجل وفوري في المتسببين عن تسريب الإمتحانات وإحالتهم للمسئولية القانونية اذا سبتت الواقعة.

وتفاعل أولياء الأمور علي صفحة اتحاد امهات مصر علي الفيس بوك، حيث قالت ولي امر : "للأسف القضية إن مش مهم الإمتحان اتسرب زي ما الوزير بيقول، ما هو كدا كدا مش في المجموع، لكن للأسف ده فشل قي قياس مدي نجاح التجربة، هيقس نجاحها ازاي من عدمه بإمتحان متسرب، هما ليه مصممين علي عدم الاعتراف بالأخطاء والفشل الي هما فيه.. لمصلحه مين؟".

وأضافت ولي أمر أخري: "مجهود ابني راح في مذاكرة وفي تعب طول الترم، دلوقتي زي أي واحد مش ذاكر وفلوسه ودروسه ضاعت عليه"، وتابعت أخري:"عايزة اعرف هي الوزارة بتعمل كدة ليه؟ بعد اللي حصل في العربي كل يوم تسريب الامتحانات، إزاي يعني لمصلحة مين في رهبة الامتحان، وفين العدل، كدة المستوى بين اللي ذاكر واللي مش ذاكر أصبح واحد، إحنا دفعين دم قبلنا دورس".

واستكملت ولي أمر: "الامتحان متسرب، البنت بتقولي صحابها كاتبين الإجابات في الكتاب وخلصو بعد خمس دقايق، يعني ايه أنا يطلع عيني مذاكرة ودروس وتعب وهما ينقلو علي الجاهز هو ده التطوير أنا كأم مش فاهمه ليه عامل الامتحان؟".