محمد فراج: الموضوع كان تقيل في «هذا المساء».. وبكيت بسبب «تحت السيطرة»

آخر تحديث: الأربعاء 16 أكتوبر 2019 - 1:11 ص بتوقيت القاهرة

هديل هلال

قال الفنان محمد فراج إن دوره «سوني»، بمسلسل هذا المساء، هو أول تجسيد لدور الشخصية الشريرة خلال مسيرته الفنية.

وأضاف خلال لقاء لبرنامج «صاحبة السعادة»، المذاع عبر فضائية «Dmc»، مساء الثلاثاء، أن التحضير للدور تطلب العديد من التجهيزات، وتم التحضير له بشكل احترافي، معقبًا: «الموضوع كان تقيل.. مش متعود ومعملتوش قبل كده، كان في اتنين زي سوني عندهم محلات موبايلات، قعدنا معاهم عشان نعرف العالم ده بيحصل فيه إيه، وطريقة التعامل مع الهاكرز، شفت بلاوي».

وتحدث عن طبيعة دوره بمسلسل «تحت السيطرة»، موضحًا: «تحت السيطرة عملي بلوى في حياتي، في نص رمضان عرفنا إن في قضايا مرفوعة عليه عشان يتوقف، على خلفية إننا بتفتح عين العيال».

وأوضح أن التعامل مع المشاهد تم بواقعية بالغة، واستمرار البروفات مدة شهرين لكافة الممثلين على درجة كبيرة من الاحترافية، تحت إشراف استشاري نفسي، لتقديم العمل بشكل طبيعي وصادق.

وأشار إلى أن أصعب المشاهد التي واجهته أثناء التصوير هو مشهد تسليم جميلة عوض للديلر، مضيفًا: «مكنتش متخيل إن في قلب كده في الدنيا، أسلم صاحبتي للديلر عشان عاوز مخدرات زيادة، إتأثرت وأنا في العربية واتفاجئت بنفسي لما نزلت من العربية عشان تروح ليه، أنا عيطت».