«أنت عاوزني أدخل علشان تقول الشرطة هي اللي موتتهم؟».. وزير الداخلية الأسبق يكشف كواليس آخر اتصال مع محمد مرسي

آخر تحديث: الإثنين 16 نوفمبر 2026 - 10:50 م بتوقيت القاهرة

أحمد علاء

قال اللواء محمد إبراهيم وزير الداخلية الأسبق، إن جماعة الإخوان وقت حكمها للبلاد كانت تهوِّن من حجم الغضب من نظام حكم الجماعة في 30 يونيو 2013.

وأضاف خلال مقابلة مع "بودكاست ساعة مع GenZ": "حصل أكثر من اجتماع وقتها في الرئاسة وفي مجلس الأمن القومي وكل واحد كان بيقول رأيه عن إيه اللي هيحصل في 30 يونيو.. همّ كانوا متخيلين إن 30 يونيو لن يتجاوز عدد المشاركين فيها 5 آلاف شخص والأمور ستنتهي».

وتابع: «(مرسي) سألني عن اللي هيحصل قلت له أنت معتقد الرقم غلط.. قلت لهم هتلاقوا طوفان من البشر في الشوارع.. وكان الرد من أحمد عبدالعاطي نائب مكتب مرسي إن الكلام ده غلط وكل اللي فيها 5 آلاف هينزلوا وهتنتهي آخر اليوم».

ولفت إلى أن السفيرة الأمريكية في ذلك الوقت آن باترسون طلبت مقابلته ووافق على ذلك، واستكمل: "قالت لي أنت متخيل إيه اللي هيحصل في 30 يونيو وإيه الأعداد اللي هتنزل قلت لها نفس الكلام إن هيبقى فيه طوفان.. السفيرة الأمريكية لم تسترح للكلام أو حست إني مع الناس اللي نازلة في 30 يونيو".

ولفت إلى أنه بالتزامن مع الاعتصام بميدان التحرير من قبل متظاهري 30 يونيو نظم الإخوان والجماعات السلفية تجمعًا مضادًا بمنطقة رابعة بالقاهرة، متابعًا: «الوضع هناك مكنش فيه دولة.. كانوا بيطلعوا من رابعة يقطعوا الطرق.. وكانوا بياخدوا أي واحد يشكوا إنه ضابط يدخلوه في الاعتصام ويعتدوا عليه ويتركوه مصابًا».

وسئل إبراهيم، عما إذا كان مرسي طلب منه استخدام القوة ضد المتظاهرين في ثورة 30 يونيو، فأجاب: «كان فيه طلب صريح لما بعض المتظاهرين تجمعوا أمام مكتب الإرشاد في المقطم.. كان فيه لقاءان لي في التلفزيون وسُئلت هل سيتم التعامل مع المتظاهرين؟ وقلت إنه لن يتم التعامل من قبل الشرطة مع المتظاهرين السلميين في 30 يونيو ودي بيّنت اتجاهي».

واستكمل: "كان لي تصريح إني لن أتولى تأمين مكتب الإرشاد في المقطم، فجابوا مسلحين من عندهم وسكّنوهم في المبنى.. وأطلقوا النار على المتظاهرين أمام المكتب وقتلوا 11 شخصًا من المتظاهرين".

ولفت إلى أن آخر محادثة مع مرسي كانت في ذلك اليوم، وقال: "طلب مني إني أتعامل مع المتظاهرين اللي كانوا موجودين أمام مكتب الإرشاد لكني رفضت بالطبع وقلت له انت عندك 11 جثة إنتوا ضاربينهم. أنت عاوزني أدخل علشان تقول الشرطة هي اللي موتتهم، قالي طاب ما العمليات الخاصة في الوزارة عندك بتضرب على المفصلات بتاعة باب مكتب الإرشاد علشان تفتحه للمتظاهرين، قلت له أنت بدأت أهو، بتقول إن إحنا اللي ضربنا نار علشان تقول إحنا اللي موتنا المتظاهرين".

ونوه إبراهيم إلى أنه طلب من مرسي تسليم المسلحين لأنهم قتلوا 11 شخصًا من المتظاهرين.

هذا المحتوى مطبوع من موقع الشروق

Copyright © 2026 ShoroukNews. All rights reserved