عمرو أديب: الرئيس وجه رسالة للقطاع الخاص إن الجيش مش جاي يحتكر أو ينافس

آخر تحديث: السبت 17 أغسطس 2019 - 10:41 م بتوقيت القاهرة

محمد عبد الجليل

علق الإعلامي عمرو أديب، على افتتاح الرئيس عبد الفتاح السيسي مشروعات الصوب الزراعية بقاعدة محمد نجيب العسكرية، قائلًا إن الرئيس قد بعث برسالة مفادها أن الجيش لا ينافس القطاع الخاص.

وأضاف خلال تقديمه برنامج "الحكاية"، المذاع عبر فضائية "إم بي سي مصر"، مساء اليوم السبت: "الرئيس بيبعت رسالة في جملة واحدة، إن الجيش لا ينافس القطاع الخاص، الرسالة واضحة لأن الكلام كتير في الفترة الأخيرة".

وتابع: "الرئيس بيوجه رسالة للقطاع الخاص، يا جماعة إحنا مش جايين نقفلكم، إحنا حصتنا 10% إحنا مش جايين نحتكر، والريس بيقول إن الجيش مش جاي يحتكر أي بيزنس".

وتابع: "الرئيس يقول في أكتر من رسالة إنه لازم يبقى فيه توازن، وأنا مش نازل أنافس لكن بعمل منتج جيد جوة السوق، ويوصل للناس، والرئيس بيقول إن الجيش لا ينافس أو يستحوذ".

وعقب: "لما الجيش بيعمل مشروع بيبان، فالناس بتتخيل إنه مستحوذ، لأنه فيه جودة وقدرة، مش معنى كده إن الجيش يكون مستحوذ، فالجيش بيكمل النقص لما بيبقى مشكلة في سلعة عشان محدش يحتكرها".

وشهد الرئيس عبد الفتاح السيسي، صباح السبت، افتتاح مشروعات الصوب الزراعية، بقاعدة محمد نجيب.