أحمد زاهر عن دوره في لعبة وقلبت بجد: زهقت من الشر

آخر تحديث: الأربعاء 18 فبراير 2026 - 4:20 م بتوقيت القاهرة

حنان عاطف

قال الفنان أحمد زاهر، إن الأعمال الدرامية لا يجب أن تقتصر على تقديم المشكلات فقط، لافتًا إلى وجود أنواع متعددة يجب تقديمها، ومنها الدراما التعليمية أو الترفيهية.

وأضاف زاهر؛ في لقائه مع أسامة كمال ببرنامج «مساء dmc»، المذاع عبر شاشة «dmc»؛ مساء الثلاثاء، أنه من الممكن تخصيص عمل أو اثنين من الأعمال الدرامية المنتجة سنويًا، لتناول القضايا الهامة بأسلوب جاذب، وليس بشكل تعليمي فج.

وتابع: "إيه المانع إن الدراما تقدم عمل أو اثنين من الـ 30 أو 40 اللي بيتقدموا في السنة فيهم قضايا وحاجات مهمة وبشكل كويس وميبقاش تعليمي فج".

وفي ذات السياق، أشار زاهر، إلى أن السينما والدراما ليسا مسئولين بشكل كلي عن حالات العنف أو الظواهر السلبية، قائلًا: "ممكن وممكن لا، أنا مبحبش أشوفها كدا"؛ متسائلًا: "إيه المانع إن إحنا نخف من العنف شوية حتى لو موجود؟ أنا عارف إن هو في كثير موجود إحنا بشر".

وأوضح زاهر أسباب إعجاب الجماهير بمسلسل لعبة وقلبت بجد، ومنها ارتباطه بالعلاقات الإنسانية والمشاعر، بجانب العلاقات بين أطراف الأسرة، مضيفًا: "كلها حاجات مفيدة".
وتطرق زاهر إلى تجنّبه أداء أدوار الشر خلال الفترة الأخيرة، قائلًا: "أنا أصلا كنت مقرر قبل السنة اللي فاتت إن مش هلعب شرير تاني، واعتذرت 4 مرات عن أداء دور في مسلسل سيد الناس، والذي عُرض في رمضان الماضي، أنا مش قادر العب شرير تاني خلاص عايز أغير زهقت كمان".

وذكر أنه وافق فورًا على أداء شخصية "شريف" في مسلسل لعبة وقلبت بجد، مضيفًا: "ما صدقت إن أنا جت لي الشخصية دي علشان أقول للناس إن أنا أقدر انجح واتقمص أي شخصية مش شرط شرير يعني".