ميدو: انت عاوز تطلع ستاد القاهرة نحس ؟ «هبل وقلة أدب»

آخر تحديث: الأربعاء 18 مايو 2022 - 3:14 م بتوقيت القاهرة

الشروق

هاجم أحمد حسام ميدو، نجم الزمالك السابق مرتضى منصور، رئيس مجلس إدارة الأبيض، بسبب تصريحاته التي طالب فيها بتغيير ملعب ستاد القاهرة، نظرًا لكثرة نتائج فريق الكرة السلبية عليه.

وقال ميدو في مقطع فيديو حمل عنوان "مرتضى وعياله بيقولوا أي كلام.. الزمالك أكبر منكم"، نشره عبر حسابه على انستجرام:" (الزمالك خسر امبارح ولعب ماتش سيء وأنا كنت متوقعه) ".

وأضاف:" (فيه بعض اللاعيبة اللي المدرب بيعتمد عليها باين يعني زي الشمس انهم لاعيبة تعبانة ومش قادرة ومش عايزة تدي الزمالك ورغم كده المدرب بيعتمد عليهم مش عارف ليه!) ".

وتابع:" (بس معنديش مشكلة في الكلام ده، ماشي الزمالك وحش واللاعيبة وحشة وكل الكلام ده، لكن التصريحات بعد الماتش من مرتضى منصور وامير مرتضى والناس اللي بتتكلم، بيقولك مش عايزين نلعب على ملعب ستاد القاهرة، ازاي ؟) ".

وواصل:" (ستاد القاهرة ده الملعب اللي الزمالك فاز فيه بكل بطولاته التاريخية، انت على اخر الزمن هتطلعه نحس ؟ هتطلع ملعب الزمالك نحس ؟ ايه الهبل ده ؟ ايه العبط ده ؟) ".

وأتم ميدو قائلًا: "رئيس النادي بيقولك لاعيبة الزمالك اللي كانت هتجدد سحبت عقودها عشان انا اتحكم عليا، عيب، اللي انت بتقوله ده عيب، ده حكم قضاء، ده حكم محكمة، مينفعش تستغل حكم المحكمة والزمالك وجمهوره في مشاكلك، انت عندك مشاكل حلها، واحنا كلنا في ضهرك مفيش مشكلة، لكن بصراحة قلة أدب) ".

هذا المحتوى مطبوع من موقع الشروق

Copyright © 2024 ShoroukNews. All rights reserved