عمر كمال للشباب: جربت كل حاجة عشان أنجح.. لو معندكش قلب تتعب الدنيا هتفرمك

نشر مطرب المهرجانات، عمر كمال، عبر حسابه على "فيسبوك"، صورتين له، الأولى حينما كان يعمل عملا بسيطا، والثانية وهو يقف بجوار سيارته الفارهة.

وعلق كمال قائلا: "مفيش حاجة بتيجي بالساهل، هتقعد تقول أحط الشهادة فين، وبص مين معاه إيه، وبص مين جاب إيه، هتفضل مكانك مش هتتحرك".

وتابع: "الدنيا والأيام بتجري ولو معندكش قلب تتعب وتجرب، الدنيا هتفرمك، وهتبقي زي كتير تايهين فيها".

وأكمل: "أنا كمان خدت شهادة، وطلعت مش لاقي شغل، وأهلي زيك صرفوا عليا دم قلبهم، بس أنا مقعدتش ألوم الناس والبلد، نزلت واشتغلت وعملت بالحكمة اللي بتقول حب ما تعمل حتى تعمل ما تحب، واشتغلت حاجات كتير، وكل حاجة، وجربت كل السكك اللي ممكن توصلني للنجاح، بتعامل وبوصل لكل الناس اللي ممكن يضيفولي، وبشغل دماغي".

وختم كلامه: "قول الحمد لله، ولو لاقيت غيرك في نعمة، قول ربنا يزيده ويديني".