منع مطربي المهرجانات.. يسري نصر الله: فرز الكويس من الوحش لا يمكن يكون بالطريقة دي

آخر تحديث: الخميس 18 نوفمبر 2021 - 10:19 م بتوقيت القاهرة

أبدى المخرج يسري نصرالله اعتراضه الشديد على قرارات نقابة الموسيقيين الأخيرة الخاصة بإيقاف بعض الأسماء عن الغناء، ومن بينهم الفنان حسن أبو الروس.

وكتب عبر حسابه الرسمي علي موقع التواصل الاجتماعي "فيسبوك": الموضوع لا له دعوة بنوعية الموسيقى اللي بيقدمها (أبو الروس) ولا بالرغبة في توضيح أي حاجة لأي حد.. بس بجد شيء يضايق جدا، إن واحد مالوش شغلة ولا مشغلة غير إنه يمنع ناس.. مش فيه رقابة (قابلينها على مضض) وكمان تدي لهيئة أهلية سلطة المنع وهي المفروض إن شاغلها الأساسي تدافع عن التنوع وعن أعضاءها؟

وتابع: لما عملت فيلمي الأول "سرقات صيفية" كان عندي مشاكل لا حصر لها مع نقيب الممثلين وقتها لإني اشتغلت مع ممثلين مش محترفين واعترض بشدة على عبلة كامل إللي "سرقات" كان أول دور مهم ليها على الشاشة.. في نفس الفترة كان فيه حملة شعواء على أحمد عدوية واتمنع تماما من الإذاعة.

وذكر: المنطق اللي بيتبرر بيه ده هو منطق "حماية المهنة من الدخلاء" ومن "فساد الذوق" و"حماية الأخلاق".. (حقيقة الأمر هو "حماية القديم" وبس).

واختتم: فرز الكويس من الوحش لا يمكن يكون بالطريقة دي.