عضوة بنادي الجزيرة: المجرم من نشر الصور.. السيدات أحرار في الاحتفال بطريقتهن

آخر تحديث: الثلاثاء 19 يناير 2021 - 12:43 ص بتوقيت القاهرة

أسماء الدسوقي

وصفت عزة لملوم، عضوة بنادي الجزيرة، الهجوم على واقعة نادي الجزيرة الخاصة بكعكة الأشكال الجنسية المثيرة للجدل بـ«التفاهة».

وقالت، في مداخلة هاتفية لبرنامج «حديث القاهرة» المذاع عبر فضائية «القاهرة والناس»، مساء اليوم الاثنين: «مش مصدقة نفسي، ماشوفتش تفاهة أكتر من كده، لجنة رايحة ولجنة جاية وتحقيق، كل ده عشان شوية ستات قاعدين مع بعض على ترابيزة ما قالوش لحد تعالى اقعد معانا!»، بحسب تعبيرها.

وأضافت أن الخطأ في تدخل الناس غير المقبول ونشر صور هؤلاء السيدات، مستنكرة: «إيه التدخل في حياة الناس الشخصية دي!».

وأكدت حق السيدات وحريتهن في الاحتفال بالطريقة التي تردنها، متعجبة: «يقولك قال إيه هيحققوا مع اللي صنع! معقولة اللي وصلنا ليه ده؟ صنع إيه!».

وأوضحت أن الأمر متعلق بمن أخرج الصور للعامة وليس من صنع «التورتة»، متابعة: «ده كلام فاضي.. رأي عام إيه! تدخل في حياتي وتقولي رأي عام؟».

وذكرت أن من نشر الصور هو المجرم وليس مجموعة السيدات اللائي يمزحن مع بعضهن البعض، مستطردة: «كل واحد يخليه في حاله. هي خلاص خلصت مشاكلنا عشان لجنة تروح وتحقق في الموضوع».