الرئيس السيسي: محدش يقدر يقول إنه يمتلك الوطنية لوحدة وغيره لأ.. كلنا زي بعض

آخر تحديث: الأربعاء 21 أكتوبر 2026 - 11:57 م بتوقيت القاهرة

أحمد علاء

قال الرئيس عبدالفتاح السيسي، إن الهدف عند تقديم أي طرح يجب أن يكون مصلحة الوطن، معقبا: "محدش يقدر يقول إنه يمتلك الوطنية لوحدة وغيره لأ.. كلنا زي بعض".

وأضاف خلال "جلسة الأمن الغذائي والمائي.. تحديات اليوم وضمانات المستقبل" في اليوم الثالث من منتدى مصر، أن جهاز مستقبل مصر للتنمية المستدامة ذراع جديدة في محاولة للتغلب على بعض التحديات التي تواجه الدولة.

وتابع: "لو أنا النهاردة باستهدف زراعة مليون فدان دلوقتي وأنت تتأخر لمدة 5 سنين.. يبقى أنت كده أفقدتني فرصة 5 سنين إنتاج و5 سنين عمالة في المشروع".

وأوضح أن من يعمل في المشروعات الجاهزة شركات قطاع خاص، وقال: "لو القطاع الخاص مستعد يشتري أنا جاهز بس مش هتبقى مفتتة صغيرة.. لأ مش هنعمل كده.. بنتكلم في مساحات كبيرة علشان نحافظ عليها".

وأشار إلى أن تفتيت الأراضي الزراعية لم يكن لمصلحة مصر، وتابع: "في فترة مسئوليتي عندي تجربتين، تجربة الريف المصري كان المهندس إبراهيم محلب رئيس الحكومة وكان الدكتور مصطفى مدبولي وزير الإسكان وكان الدكتور حسام مغازي وزير الري، قلنا نعمل فكرة مليون ونصف فدان على أراضي المنيا وغرب المنيا في الجزء الصحراوي على المياه الجوفية والدراسات استغرق سنة مع تنسيق بين الوزارات المختلفة للوصول لقرار".

واستكمل: "كانت وجهة نظري مع الحكومة إننا نعمل كل شيء ثم نطرحه للناس.. يعني إحنا نزرع المليون أو المليون ونصف فدان حسب ما الأراضي والمياه تبقى متاحة وبعدها نسلم المستثمر أو الفلاح اللي عاوز ياخد 50 فدان أو 100 فدان أو أكتر أديله المشروع واقف على رجله".

وصرح الرئيس: "النهاردا بعد 12 أو 13 سنة من إطلاق المشروع اللي اتزرع من المليون ونصف لغاية دلوقتي 500 ألف فدان.. وطبعا المزارع بيستلف من البنك وبيدخل في مراحل.. لكن لما أنا بعمل المشروع بشكل مركزي التكلفة بتكون أقل والجودة أكبر وضمان تحقيق النتائج أفضل".

وتابع الرئيس: "بدأنا المشروع في 2014 وبعد 12 سنة اللي اتعمل 500 ألف فدان.. هي دي التجربة وقلت لأ طريقتكم دي مش هتمشي معايا.. أوعوا أنتم بقى أنا هاعمل أنا".

ولفت إلى أن البعض قد يطرح بأن هناك رغبة في منح الفرصة للمزارع الصغير، وعقب: "صحيح.. فيه 42 ألف فدان لما اخترت الأراضي المتاحة ولو وزير الري يوفر مياه أكتر هزرع أكتر من كده".