رامز جلال عن أحمد مالك: مراهق الشاشة.. والنسخة الصيني من جاستين بيبر

آخر تحديث: الخميس 22 أبريل 2021 - 7:25 م بتوقيت القاهرة

أسماء الدسوقي

حل الفنان أحمد مالك، ضيفًا على رامز جلال، في عاشر حلقات برنامجه «رامز عقله طار»، الذي يعرض على فضائية «mbc مصر»، مساء اليوم الخميس.

وقدم رامز جلال الفنان أحمد مالك، قائلًا: «جايبلكم النهاردة النسخة الصيني من جاستين بيبر.. مقضيها وسايق الهبل على الشيطنة، يعمل الكارثة من دول ويقولك يا عم هتعكل عقلك بعقل عيل صغير».

وأضاف: «يخبط في زمايله وتيجي تعترض يقولك ده لسة أخضر واللي في قلبه على لسانه»، موضحًا أن هذا الفنان لم يكن في خططه أو أحد أهدافه، لأنه يستثني النساء والأطفال من الحروب، حسبما قال.

وتابع تقديمه: «أنا مقاتل نبيل لكن الكابتن اللي هتشوفوه ده زودها أوي لدرجة إنه خبط فيا أنا شخصيا وعشان كده نزع الرحمة من قلبي وخلاني أدوس على ضميري وقتل نبل المحارب اللي جوايا.. معانا ومعاكم مراهق الشاشة، نجم حب الشباب، بطل العالم في حمو النيل أحمد مالك».

وعند وصول الفنان إلى مدينة الملاهي؛ حيث يتم تنفيذ المقلب، عقب رامز: «ضحك في وشي وفي ضهري طعني، خبط فيا واتكلم عني»، ليضيف عند ظهور الفنان: «زعبوط الفن هالل علينا».