عمرو أديب عن المظاهرات: الإنسان العادي البسيط هو اللي بيدفع التمن

آخر تحديث: الثلاثاء 24 سبتمبر 2019 - 10:10 ص بتوقيت القاهرة

محمد عبد الجليل

علق الإعلامي عمرو أديب، على دعوات البعض للتظاهر حاليًا في مصر، قائلًا: "هو إيه يساوي إننا نجيب عاليها واطيها؟ إيه اللي يساوي إن كل اللي بيجرى في البلد يتهد".

وأضاف "أديب"، خلال تقديمه برنامج "الحكاية"، المذاع عبر فضائية "إم بي سي مصر"، مساء الاثنين: "أنا بستغرب جدًا، البلد الدولار بيقل فيها والجنيه بيزيد، والبطالة بتقل ومعدل النمو بيزيد، هتقولي مش شايف، هقولك حاجات كتير أوي بتحصيل مبتشوفهاش لكن ليها تأثير غير مباشر عليك، لو هديتها مرتبك هيزيد كام؟".

وتابع: "الإنسان العادي البسيط هو اللي بيدفع الثمن، اللي فوق ورجال الأعمال بيبقى فيه شوية خسارة، لكن اللي بيطحن ويروح في ستين داهية هو البني آدم اللي يدوبك بيحاول يظبط حياته".