عمرو أديب عن إنجاب 6 آلاف طفل يوميا في مصر: هو ده اللي شاطرين فيه إننا نظرف عيال

علق الإعلامي عمرو أديب، على وصول عدد المواليد في مصر إلى 6 آلاف طفل يوميًا، قائلًا: «هي دي الأرقام القياسية اللي شاطرين فيها، إننا نظرف عيال».

وأضاف خلال تقديمه لبرنامج «الحكاية»، المذاع عبر فضائية «MBCمصر»، مساء السبت، أن إنجاب 6 آلاف طفل يوميًا، يعني إنتاج الدولة نحو 30 ألف رغيف خبز إضافي في اليوم الواحد، معربًا عن تعجبه من تفكير البعض في الإنجاب بكثرة، في ظل ما يشهده العالم من تحديات وأزمات.

وتساءل: «قررت تجيب عيال زيادة ليه؟ شايف الدنيا لطيفة؟ الأحداث في الداخل والخارج مبررة إنك تعمل الكلام ده؟ في دول بتدور على سكان.. قطر زادت خلال 10 سنوات الاستعداد لاستضافة كأس العالم 300 ألف مواطن فقط».

ولفت إلى أن إنجاب الأطفال بكثرة؛ بمثابة الإلهاء الحقيقي للمواطنين، معقبًا: «هو ده الإلهاء الحقيقي فعلا، 5 و6 عيال يلهوك عن ذكر ربك متبقاش شايف قدامك، ولو مقتنع أن صوت الإلهاء أكبر من صوت المجتمع ربنا معاك».

وأشار إلى أن الإلهاء يكون لشعب لا يعاني كم المشكلات الموجودة عند الشعب المصري، مضيفًا: «سيبكم من الوهم، كل يوم عيشك وسكرك موجود، آه غالي، لكن مشفتش ظواهر محرجة، قول لي حد في مصر اتلهى! الإلهاء في ناس مرتاحة لكن محدش مرتاح».

وتابع: «الناس لغاية دلوقتي يتناضل والدولة بتحاول تديهم القدر اللي يساعدهم إنهم يقفوا على رجلهم في الأيام الأصعب، ونعدي الأزمة في العالم والمنطقة كلها، هنا بتحاول قدر الإمكان إنك تدافع عن العمالة الموجودة والناس اللي شغالة والعيش والأرز، هل في حد في معركة السكر قال كان عندي إلهاء بتابع زواج فلانة أو طلاق فلان؟».

وذكر أنه لا يوجد صوت يعلو فوق صوت المجتمع، مختتمًا: «الناس مش ملهية، عندها هموم وتفاعل مع الدولة والحكومة، لو تعرفوا البلد دي بتفتح إزاي وتقفل إزاي، حط فيلم تسجيلي واتفرج».