أعرب الممثل محمود الليثي، عن سعادته بمشاركته في مسلسل "بين السما والأرض"، المقرر عرضه في السباق الرمضاني المقبل، عبر فضائية "ON".وكتب "الليثي"، عبر حسابه الشخصي بموقع "فيسبوك"، قائلًا: "القريبين مني عارفين أن مش من طبعي أتكلم عن عمل شغال فيه كتير قبل عرضه وبستنى الناس هي اللي تتكلم.. بس عايز أقول إن مسلسل بين السما والأرض عاملي حالة من البهجة والإشباع غير طبيعيه".
وأضاف محمود الليثي، قائلا: "لو رجعنا للأصل القصه للأديب العالمي نجيب محفوظ، ودي مش حاجه هينه خالص لو رجعنا للفيلم فهو فيلم تقيل على العقل خفيف على القلب.. وفكرة تحويل الفيلم لمسلسل مكنتش متقبلها قبل ما أبدأ في قراءه السيناريو.. ولكن بعد ما قريت اختلف الموضوع تمامًا لأني شفت أشخاص أخرين جوه الأسانسير.. حيوات معقدة.. مشاعر مختلطة ومختلفة".
وتابع: "موسم رمضان موسم صعب وفيه أعمال كتير حلوة ومعمولة بإتقان ونجوم كبار ومؤلفين تقال ومخرجين مبهرين، بس أنا كمشاهد قبل مكون جزء من العمل بقولكم إن المسلسل دا في حتة تانية".
https://www.facebook.com/ellisyellisy/posts/3012804062280886