ياسمين صبري: مش بدور إزاي أشغل الناس.. وده مخلي عمري أطول

آخر تحديث: الثلاثاء 27 سبتمبر 2022 - 1:56 ص بتوقيت القاهرة

هديل هلال

قالت الفنانة ياسمين صبري، إنها تعاملت مع الشهرة على أنها مجموعة من الأمور المتصلة ببعضها، لافتة إلى أن أحد تلك الأمور الشائعات، واهتمام الجمهور بالفنان سواء من باب الفضول أو الاهتمام أو الحب أو عدم الحب.

وأضافت خلال لقاء لبرنامج «صاحبة السعادة»، الذي تقدمه الفنانة إسعاد يونس عبر فضائية «DMC»، مساء الاثنين، أن الفنان سيظل دائمًا مادة للشائعات، مؤكدة أنها تقبلت هذا الأمر منذ فترة طويلة، ومعتادة عليه.

وذكرت أن طريقة تعاملها مع الشائعات مرتبطة بعدم اتخاذ أي رد فعل نحوها، معقبة: «كل حاجة لها نهاية، التريند له نهاية، واللي يطوله الرد، أنا شخصية الحمد لله عندي اكتفاء رهيب إني مش بدور إزاي أبقى وأكون أو أشغل الناس».

وتابعت: «حالة من عند ربنا أورجانيك، مفهاش حاجة مزقوقة، وده مخلي عمري أطول، أحيانا الناس تحرق نفسها عشان تفضل على الساحة لكنها بتتحرق، لأن الناس شبعت منهم»، بحسب تعبيرها.

وعن تعاملها مع الآراء السلبية حول أعمالها الفنية، عقبت: «أنا إنسانة واقعية أوي، لما بتفرج بكون عارفة إيه الضعيف وإيه محتاج شغل أو اتكروت ومفهوش إبداع، أنا صريحة مع نفسي وبحاول أتطور، ولو عشت الوهم واكتفيت بالنجاح لن أتطور».

وأعربت عن امتنانها للفنان الراحل محمود عبدالعزيز، وخاصة أنه كان ينصحها كابنته، متابعة: «قال لي خلي بالك جدا من الدائرة اللي حوالكي، هما الناس اللي بيوقعوا، وحظي إن ربنا حط في حياتي ناس إدتني المفاتيح من بدري، أنا عندي عنين ومخ ومش منحازة لنفسي، بالعكس ديما أدور إيه اللي ممكن أعمله أحسن».