فيديو.. سمير صبري: حالتي المعنوية في تحسن بعد قرار الرئيس بعلاجي

آخر تحديث: الإثنين 28 فبراير 2022 - 10:15 م بتوقيت القاهرة

أسماء الدسوقي

- بقالي سنة ونص بتعالج على حسابي لما اللي ورايا واللي قدامي راح

قال الفنان سمير صبري، إن قرار الرئيس عبدالفتاح السيسي بنقله إلى إحدى مستشفيات القوات المسلحة، كان شيئًا عظيمًا للغاية، معقبًا: «العناية اللي بشوفها مشوفتهاش في حياتي في أي حتة»، على حد تعبيره.

وأضاف، في مداخلة هاتفية لبرنامج «90 دقيقة»، الذي تقدمه بسمة وهبة عبر فضائية «المحور»، مساء اليوم الاثنين، أن حالته المعنوية في تحسن بعد قرار الرئيس السيسي بعلاجه، متابعًا: «إزاي مبقاش أحسن ورئيس الجمهورية هو اللي بيشفيني زي ما شفى مصر»، وفقًا لقوله.

وذكر أنه يتعالج منذ حوالي عام ونصف على نفقته الخاصة حتى خسر جميع أمواله، قائلا: «بقالي سنة ونص بتعالج على حسابي لما اللي ورايا واللي قدامي راح.. مش حاجة بسيطة إن رئيس بلدي يهتم بصحة مواطن بسيط»، حسبما عبر.

ووجه كلمة إلى جمهوره: «مش عارف أقولكو إيه على كل الحب اللي مكنتش متخيله اللي بتحبهولي، مش عارف أقول إيه»، ذاكرًا عدد من الفنانين، مثل: سميرة أحمد، حسين فهمي، ميرفت أمين، ودنيا سمير غانم، وغيرهم الكثير.

وتوجه للرئيس عبدالفتاح السيسي، قائلا: «بحبك، بحبك لإنك رجعتلي مصر، بحبك لإنك رجعت مصر للدنيا، بحبك لإنك رجعت الاحترام لبلد، بحبك لإنجازاتك اللي مش حاسين بيها، ربنا يحفظك واستمر ربنا معاك».