رامز جلال عن محمد فراج وبسنت شوقي: روميو وجوليت السوشيال ميديا

حل الفنانان محمد فراج وبسنت شوقي، ضيفين على الفنان رامز جلال، خلال الحلقة السادسة من برنامجه «رامز نيفر إند» على قناة «MBC مصر»، والتي تُعرض مساء اليوم الثلاثاء.

وقال رامز خلال تقديمه لضيوفه: «الوسط الفني على مر العصور مليء بقصص الحب، ومن أشهر القصص عمر الشريف وفاتن حمامة اللي علمونا الرومانسية، النهاردة معانا أحدث إصدارات الكابلز في الوسط الفني».

وأضاف: «تشارلز وديانا اتجوزوا في يوم واحد ودول عملوا فرحهم على سنتين، هوب صحينا من النوم على صور وتريندات وصويت وزغاريط قلنا إيه يا جماعة اتجوزاو قالوا لا مجرد قراية فاتحة».

وأكمل: «4 شهور السوشيال ميديا اتقلبت، إيه يا جماعة قلنا اتجوزوا قالوا لا مجرد خطوبة، 3 شهور كمان وعزموا مصر كلها، قلنا الحمد لله أخيرا هنخلص كن وجع الدماغ ونحضر فرحهم قالوا لا دي مجرد حنة».

واختتم: «لحد ما ربنا نتعهم بالسلامة وعملوا فرحهم على 3 أيام، يا جدعان ده شهريار معملهاش، رونالدو وجورجينا لا عملوا فرح ولا اتجوزوا أساسا.. معانا ومعاكم روميو وجوليت السوشيال ميديا عنتر وعبلة التيك توك قيس وليلى مواقع التواصل الاجتماعي».

وبرنامج رامز جلال يعرض كل سنة خلال شهر رمضان، بفكرة مختلفة عما سبق، ويتبع فئة برامج المقالب، ويستضيف عددا من المشاهير من نجوم الفن والرياضة والإعلام.

واستضاف رامز خلال الحلقات السابقة الفنانين أحمد السقا ومحمد رمضان ومحمد فؤاد والإعلامية ياسمين عز.