فيديو.. نهى العمروسي: اتعرضت للتحرش من فنانين كتير.. ومحدش بيعرف ياخد مني حاجة غصب عني

كشفت الفنانة نهى العمروسي، تفاصيل تعرضها للتحرش أثناء تصوير أحد أعمالها الدرامية، وكيف تعاملت مع هذا الموقف.

وقالت خلال لقائها ببرنامج “Vip” على شاشة "هي": كنا بنصور مسلسل، والبطل بتاعه اتحرش بيا وحط إيده عليا، واديته على دماغه، وإحنا مش صحاب عشان يحط إيده عليا، ولكن في لمسة عن لمسة تفرق، وده مش أول ولا أخر تحرش، يعني الستات في المكاتب والبنوك بيتعرضوا للتحرش.. الفنانات مش هيتعرضوا؟

وأضافت: المواقف اللي بتحصلي في الوسط الفني بعرف أعديها ولساني طويل، وبسيحله قدام الناس، ولما أنت تمد إيدك عليا على أساس أني مشاع فاشرب لما أنا أفضحك، ومش واحد بس دول كتير، ومحدش يعرف ياخد مني حاجة غصب عني، وهو مش ممثل واحد، ومقدرش أقول اسمه بقى الله يرحمه، واتعرضت للتحرش من وأنا طفلة.

برنامج «vip» يعرض على شاشة «هي» يوميًا في شهر رمضان في تمام الساعة 11 مساءً، كما يعاد عرضه في اليوم الثاني في تمام الساعة 3 صباحًا، والساعة 10 صباحًا.