تامر حسين: حسن شاكوش مستفز.. ولحن حاجة مستخبية غير مسروق

آخر تحديث: الثلاثاء 28 يونيو 2022 - 3:32 م بتوقيت القاهرة

شن الشاعر تامر حسين هجوما ضاريا علي مطرب المهرجانات حسن شاكوش، بعد إدلاءه بتصريحات تليفزيونية، قال فيها إن أغنية بنت الجيران التي حققت ما يزيد عن مليار مشاهدة مأخوذة من لحن تركي سرقه ملحن أغنية "حاجة مستخبية" للمطرب محمد حماقي قبلهما بخمسة أعوام.

وكتب تامر حسين منشورا طويلا عبر حسابه الرسمي علي فيسبوك، قال فيه: "الحقيقة مُستفز جداً كلام مطرب المهرجانات حسن شاكوش تصريحاته في برنامج الأستاذ عمرو أديب غير موفقة تماماً، من الناحية الأدبية، وذوقيات المهنة والجهل بالمعلومة والتدليس، اللي بيعمله للمُشاهِد اللي ما يعرفش حقيقة لحن بنت الجيران، اللي مِن ألحان ملحن شاب مصري (مدين)".

وتابع: "الراجل تم التعاقد معاه رسمياً من شركة تركية بُمُقابل مالي نظير استخدام لحن "حاجه مِستخبية" اللي خلالك شأن وشهرك وكان سبب رزق ليك، عيب تنكر الحقيقة وتضلل الجمهور اللي يجهل بالمعلومة الراجل ما سرقش لحن "حاجه مستخبيه" ده من إبداعه، وده تعدي على حقه الأدبي وممكن يقاضيك وياخُد تعويض على إساءتك وجهلك بالمعلومة".

وأكمل: "ثانياً، شتان الفرق الشاسع بينك وبين نجم كبير زي محمد حماقي فنياً وأدبياً وثقافياً وذوقياً من حيث المحتوى والمضمون، وسيبك من الزمن اللي احنا فيه وتدني الذوق العام وإعلانات اليوتيوب الممولة اللي خليتك تطلع تقول أغنية محمد حماقي جايبه 16 مليون مُشاهدة، وكأنك مايكل جاكسون
هتعدي السنين وهتشوف اللي حايعيش "حاجه مِستخبية" ولا أغنيتك اللي لولا نجاح أغنية محمد حماقي وتوصيلها لأكبر قدر من الجمهور مكنتش أغنيتك اتشهرت على الجاهز الراجلِ ساهم في نجاحها فذوقياً تشكره وتتكلم بأسلوب أرقى مِن كده على ناس كان سبب في نجاح ورزق ليك وما حدش جّرح فيك".

وتابع: "كُلهم دعموكم عشان تاكلوا عيش وتنجحوا وأهاليكم وحبايبكم يفرحوا بيكم، والراجل أقدم مِنك وأشهر مِنك يبقى تقدره وتتكلم بشكل مُنصف".

وأضاف: "ثالثاً صُناع الأغنية المُبدعين المُبتكرين الشاعر المبدع محمد عاطف والملحن المُبدع صاحب اللحن الأصلي اللي اتاخد في تركيا للنشر بُمقابل مالي والموزع الكبير أحمد إبراهيم
دول ناس يستحقوا الشُكر في العلن مش تشوية وتقليل من شأن أغنيتهم اللي نجحت جداً ف سنة نزولها وكانت أنجح أغاني السنة، وأتمنى من الإعلام والمسؤولين عن اختيار الضيف، يصدروا للمُجتمع حاجات وطاقات حلوة مُبهجه مُستنيرة وعندها قدر من الوعى والاحترام والتقدير والذوقيات بلاش إحباط الله يخليكم مش حايبقى كرة وفن حافظوا على ما تبقي".

 

هذا المحتوى مطبوع من موقع الشروق

Copyright © 2024 ShoroukNews. All rights reserved