محمد هاني: أحلم بالوصول للمباراة رقم 500 مع الأهلي

آخر تحديث: الجمعة 28 أغسطس 2026 - 10:52 م بتوقيت القاهرة

رائد سمير

احتفل محمد هاني، لاعب الفريق الأول بالنادي الأهلي بالوصول لـ 403 مباراة مع الأحمر، مُشيرًا إلى أنه يحلم بالوصول للمباراة 500 مع الفريق.

ونشر محمد هاني عبر حسابه الرسمي على موقع التواصل الاجتماعي فيسبوك، صورة من احتفاله بالوصول للمباراة رقم 403 مع الأهلي.

وعلّق هاني على الصورة قائلًا: "من وأنا صغير كان حلم من أحلامي إني أشوف لاعيبة الأهلي وأبقى واحد منهم.. روحت النادي الأهلي وأنا عندي 9 سنين ومن ساعتها وأنا بحلم باللحظة دي".

وأضاف الظهير الأيمن الدولي: "وصلت للفريق الأول وكان نفسي بس العب ولو ماتش واحد وانهاردة أنا لعبت 403 ماتش وبقيت جزء من تاريخ النادي زي ماهو تاريخي كله".

وتابع: "كان نفسي احتفل معاكم بالإنجاز ده السنة اللي فاتت بس النتائج وقتها ماكنتش في صالحنا.. النهارده وصلت لـ 403 ماتش في مسيرتي مع الأهلي، وده كان واحد من أهدافي اللي كنت بحلم أحققها".

وأكمل: "بس الحلم مابيوقفش هنا.. الهدف الجديد إني أوصل لـ 500 ماتش في البيت اللي اتربيت فيه وأبقى أكتر لاعب في تاريخ النادي يحقق بطولات، وأفضل أساعد الأهلي حتى لو بحاجة بسيطة".

وأتم محمد هاني تصريحاته قائلًا: "شكرًا لجمهور الأهلي اللي كان دايمًا سند ليا وساعدني أوصل للحظة دي، وشكرًا لإدارة النادي على دعمها المستمر، وشكرًا لزمايلي.. من غيركم عمري ما كنت هأوصل للرقم ده.. 403 ماتش.. ولسه الحكاية مكملة".