عمرو أديب مستنكرا الإصرار على رفع علم المثلية في كأس العالم: طيب وبعدين؟

استنكر الإعلامي عمرو أديب، ارتداء وزيرة الداخلية الألمانية نانسي فيزر، لشارة المثلية الجنسية للمرة الثانية، خلال حضورها مباراة منتخب بلادها، أمام اليابان، ضمن منافسات الجولة الثانية لمباريات كأس العالم.

وتساءل خلال تقديمه لبرنامج «الحكاية»، المذاع عبر فضائية «MBCمصر»، مساء الاثنين: «ما هي حرية المثلية؟ في إحدى المباريات اليوم، أحد الأشخاص نزل إلى الملعب وعمل حاجة جامدة؛ رفع علم المثلية، طيب وبعدين؟؟ إيه هو الشيء اللي بتحاولوا تروجوا له؟ عاوزين الناس تعمل إيه؟ إيه الدعوة؟».

وأضاف: «عقلي الضعيف لا يستطيع التخيل، تخيل فجأة يتحول الأمر لدولة عندها مناسبة هامة، أن يكون جزء من هواجسها، حد لابس برنيطة مثلية يقلعها، ودلوقتي يتفننوا في موضوع المثلية، مثلية جاية معايا أهي».

واستطرد: «أمر غريب وواضح إنه فرق حضارات، لن نرتقِ لتلك المسألة اللي بيتكلموا فيها.. مش فاهم وكل يوم تزداد حيرتي، قاعد بتتفرج على الماتش وناس بتجري والعرق، تلاقي حد بيقول اتنين مثلية معاك لو سمحت، رش مثلية».

واختتم: «هو الاختراع ده جديد؟؟ حاجة زي الآيفون 14 ماكس؟ فجأة تكشف لنا إنه شيء مهم للبشرية، ده البشرية عندها مآسي ومصايب كثيرة»، بحسب وصفه.