«السيسي»: هطلب من المصريين تفويض تاني لو حد فكر يقرب لأمن مصر

آخر تحديث: الأربعاء 31 يناير 2018 - 1:25 م بتوقيت القاهرة

نور رشوان

حذر الرئيس عبد الفتاح السيسي، من أي محاولات للعبث بأمن مصر، وحياة مواطنيها، أو تكرار ما حدث في مصر منذ سبع سنوات.

وقال «السيسي»، خلال افتتاح مرحلة الإنتاج المبكر من حقل «ظهر»، اليوم الأربعاء، «ميصحش حد يفكر يلعب في أمن مصر، أروح أموت الأول»، مضيفًا: «قسمًا بالله قبل ما حد يلعب في أمنك يا مصر، لازم أكون مت الأول»، على حد تعبيره.

وأضاف «اللي عايز يلعب في مصر، ويضيعها لازم يخلص مني الأول؛ لأني لن أسمح بذلك»، متابعًا: «أنا مستعد أروح بس الـ100 مليون مواطن يعيشوا».

وتابع حديثه، قائلًا: «احذروا اللي اتعمل من 7 أو 8 سنين في مصر مش هيتكرر تاني»، مضيفًا: «باين عليكم متعرفونيش صحيح»، على حد قوله.

وأوضح «والله أمنك واستقرارك يا مصر تمنهم حياتي أنا وحياة الجيش، ومحدش يفكر يدخل معانا؛ لأني مش سياسي بتاع كلام»، مضيفًا: «أي حد يفكر يقرب من مصر هقول للمصريين انزلوا تاني إدوني تفويض أمام الأشرار؛ لأني مبخفش غير من ربنا، وغير على مصر».

جدير بالذكر أن الرئيس عبد الفتاح السيسي، يشهد اليوم الأربعاء، افتتاح مرحلة الإنتاج المبكر من حقل ظهر للغاز الطبيعي، بحضور المهندس شريف إسماعيل، رئيس مجلس الوزراء، وعدد من المسؤولين بالدولة.