قال رامي عز الدين، الأخ غير الشقيق للفنان الراحل هيثم أحمد زكي، إن شقيقه يكبره بنحو 6 سنوات، معقبًا: "وعشت معاه لغاية ما بقى عندي 6 سنين".
وأضاف خلال لقائه مع برنامج "القاهرة الآن"، المذاع عبر فضائية "الحدث"، مساء الأحد: "بابا كان عايز ياخدنا لندن إحنا الاتنين، لكن والد هيثم كان عايش هنا، فميقدرش ييجي معانا، بس هو دايمًا كان نفسه يبقى معايا، وأنا نفسي أبقى معاه.
وتابع: "إحنا كنا دايمًا في اتصال مع بعض، وبنحب بعض جدًا، وعمر ما مشاعرنا راحت، ودايمًا كنت حاسس إن ليا أخ بيحبني، وأنا متأكد إنه كان بيحس بكده".
وعقب أن الراحل كان يخطط من أجل السفر إلى لندن للاستقرار هناك، مضيفًا: "وكان بيقولي إنه ناوي يتجوز وييجي يعيش في لندن ونعمل شغل مع بعض، وهو كان عايز يغير حياته".
وتوفي الفنان هيثم أحمد زكي، فجر الخميس الماضي، عن عمر يناهز 35 عاما؛ داخل منزله بمدينة الشيخ زايد؛ إثر هبوط حاد في الدورة الدموية.